Yalkut Yosef Mahadurat ,תשע”א kimang ahi
ח gin nading jouse a Ch joh kimang ahi. כ man nadinga Kh kimang ahi.
Lekhabu Seif katan ahilouleh Oth kiseiya a Siman kisei lou hochu Shulchan Aruch siman mama chu kisei ahi ti hetsa a koi angaiyin ahi.
Chazon Ovadia akon kiladoh ho chu a Hilchot akisei louleh Hilchot shabbat ahi ti hetjeng ding ahi.
Measurements ho koi dungjuiya ham ti akipeh louleh Rav Chaim Naeh dungjui a kisun jeng ahi.
Siman 242
Yeshaya themgao in 58:13 a hitin aseiyin ahi, “Shabbat nikho chu ‘Anom’ ti a nakoudiu ahi”ati. Hiche akonna chu Shabbat nikho hi nomtah a man angaiye ti akijildoh in ahi.
Chazal in koi hijongleh Shabbat nikho nomtah a mang khat kipaman tamtah eina hil uvin ahi.
a. Shabbat 118b: Rabbi Yochanan in Rabbi Yose minnin hitin aseiye: Koi hijongleh Shabbat nomtah a mang chu chaitih umlou chanvou kipeding ahi.(*1)
b. Rav Nachman Bar Yitzchak in hitin aseiye: leiset lengam ho suoh lekolla kon ong tholdoh ding ahi.(*2)
c. Rav Yehuda in hitin aseiye alungdei jouse kisuh bulhit pehding ahi.(*3)
d. Rabbi Chiya bar Abba in Rabbi Yochanan minnin hitin aseiye Koi hijongleh Shabbat nikho Halakha dungjui chetna anitna ahileh Enosh khang laiya banga millim semthu hou tajongleh kingaidam ding ahi.(*4)
e. Rav Yehuda in Rav minnin hitin aseiye: Shabbat masapen chu Halakha dungjui chetnin ana nit uhenlang hileh koinam hihen koipao hijongleh Israel chate chunga tha anei loudiu ahi.(*5)
f. Rabbi Shimon Bar Yochai in hitin aseiye Israel chaten Shabbat ni seh seh jengjong ahiding dol tah in nit uhenlang hileh gangchella kilhatdoh jengdiu ahi.
3. Oneg Shabbat - Shabbat nomtah a man kiti hi Torah akon thupeh ahi. “Shabbat nikho a nakicholdo diu nikho thengthouva nanit diu ahi” “Nikho thengthou” kiti hi Sifra a Chazal hon eihil uvin vontheng kivonna Shabbat jabolding chuleh neh le chah tui tui neh a nomtah a manding ahi. Hiche ho iboltengleh Oneg Shabbat miitzvah kasuh bulhit ahi ti lungthimma nei angaiyin ahi.(*6)
4.Shabbat 118a - Rabbi Akiva in hitin aseiye: Nashabbat man chu nikho dangbangin mang jeng tan hijeng jongleh mipi ngaicha invang umhih in(*7). Hiche chung chang thudollin Achronim hon tamtah asei uve. Anoiya hi Halacha Berura 13 pg 10 akon kahin lahdoh ding ahi:
a. Shabbat nikho nomtah a nehle chah thupi tah tah a man nathei ding nei joulou khat in jong ajo channa neh tui tui ahol got angaiyin ahi. Nikho danga aneh jat asuhlhomma Oneg Shabbat dinga aman ding ahi.
b. Alhom nei behseh tah jeh a Shabbat ni a Seuda - ann thumvei neh nading kham kitohchet bou aneiya ahileh Shabbat jana ding jalla thil neocha (Kasa deHarsena - Nganeo thaova kikang(*8) hijongleh ahapding deisah ahi. Hinlah ajochanna nidanga kimanchahna asuhlhomma Shabbat nikho jabol nathei dinga pan alahding chu deisah ahi.
c. Hapta khat sunga ann 14 vei nehkham, nikhat a ann kong nivei nehkham bou aneiya hinlah Tzeddaka donga vah nai lou ahi a Seudat Shlishi dingkham aneilouva ahileh Poskim tamtah dungjuiyin Seudat Shlishit akonnin ongthol ahitai hiche chung vummin Seudat Rishon leh Sheni (Jan ann leh sun ann) ajong imacha atumma ahapbe ngai talou ahi. Hiche hi Rabbi Akiva in Nashabbat man chu nikho dangbangin mang jeng tan atina chu ahi. Nikho dang a ni vei bou naneh bangin Shabbat nikho injong nivei bou nen tina ahi,
Iti ham khatna Motzei shabbat a nehding aneiya Seudat Shlishit a nehding anei louva ahileh Motzei Shabbat a nehding atichu chu Nisa lhum masang jep in nehen lang chuleh hiti chun Seudat Shlishit boljeng hen.
d. Hapta khat sunga ann 14 vei nehkham, nikhat a ann kong nivei nehkham bou aneiya hinlah Tzeddaka akonna kithopina kisan jing ahitah levang Gabai Tzeddaka - Tzeddaka migenthei ho hoppeh a pang lamkaipan Seuda thum anehkham dingleh Kvod shabbat a dinga thil themcha hijongleh ahapbe ding kham apeh angaiyin ahi. Tzeddaka kisanding pa chu Jathei dol mihem ahileh akijabol natotoh a anehding apehding ahi.
e. Aman themcha jengjong akineiya ahileh Tzeddaka akonna sum akilah chungvumma ama tah in Shabbat nikho jatheidol tah leh nomtah a ahiding dol tah a anit theinadinga nidanga anehjat asuhlhomma akipehdoh angaiyin ahi.(*9)
5. Niseh a ann aneh teng neh kihon chi khat(1) kisem jing ten Shabbat nikho leh Chi ni(2) akisem angaiyin chini(2) kisem jingteng Shabbat nikho leh chi thum(3) aneh angaiyin ahi. Hiti chu kaltoupeh ding ahi.(*10)
6. Yalkut Yosef(*11) in hitin asunne: Shabbat nikho a nga(*12) nehding hi adih in ahi. Ahithei dinga ahileh Seudat Shabbat jouse a nga nehen. Ajolou ding jongleh alhompennin Seudat shlishit beh in nehen. Nga dulou dinga vang neh teitei angai poi ijeh inam itileh Shabbat nikho hi nopsahna (Oneg) dinga kipe ahin genthei nadingin akipepoi.(*13)
7. Sa le nga akine khom ngaipoi. Hijeh chun changlhah nehen lang akam tuiyin kikhotheng masat hen. Ahithei leh Sa toh nga kikah in theitui hamkhat donlut leh pha ahi. Thihkhe aman leh akhut akisop khel khel angaipoi hijeng jongleh asopmin aphai ajeh chu nga ling ho lhen nah a akhut a atohkhah tei ding chu tahsan ahi.(*14)
8. Ezra in ana phudoh bangin Shabbat nikho jana dingin Yom Khamishi ni teng von ho kisop doh angaiyin ahi. Tukhangin pon sop nading Washing Machine aumtah jeh in Yom Shishi niteng asop ding phal ahi ajehchu phat lutlou ahitai(*15). Hinlah khatchu Washing Machine hamkhat asetna ahile vang asoplou ding ahi. Chapang leh tehse von niseh a sop ngaijing ho vang akhoh todungjuiya sopthei ahi.(*16)
9. Shabbat Jana jalla Challah semding Mitzvah ahi. Hijeh chun deisah chu Erev Shabbat ni leh Challah semma pha ahi. Challah semna dinga angaicha jat 1.560 KG ahi. Hiche jat chu lhing hihjongleh Shabbat jana jalla(challah lahdoh ngai talou) semding chu thilhoi ahi(*17). Israel in Bread asemlou namunna chu Gentile khat in Bakery a ajoh bread choh a nehding phal ahi hijeng jongleh ahithei channa vang Israel in asemsa bread mangot ding ahi.(*18)
footnotes-*1.Beit Yosef (ד”ה גרסינן)in Mahari Abuhav minnin ahin aseiyin kipaman chaitih umlou chanvou akipeh nading jeh chu Midda Keneged Midda - Atohdoh toh kitoh a asan ding ahi, Shabbat nikho a poimo jouse asum it loubeh a asenjeh a chanvou akipeh phat teng jongleh chaitih umlouva akisan ding ahi.
*2. Beit Yosef in Mahari abuhav minna aseibe nan Shabbat nikho namkol akipoh jeh a leiset lengvai homho sohle kol namkol akon ong thol ahiuve.
*3.Mahari abuhav in aseibe nan Shabbat nikho nomtah a aman nathei dinga adei angai jouse kisuh bulhit peh ahi.
*4.Beit Yosef (ד”ה ומ”ש אפילו): Shabbat nikho hi Mitzvot jouse toh pohgih akibangin ahi.(Yirushalmi Nedarim Chapter 3 chaina) ijeh inam itileh hiche hi leiset chung hinsemdoh pan achin jing leh Torah chu vaan akon hung kipelha ahi ti kihilna ahi. Hijeh a chu Shabbat nikho anit teng Avoda Zara - milim semthu kin abolchu atahsan jeh ahitapoi. Hijeh chun Teshuva aneiya ahileh ngaidam changjou ahi. Hinlah milim semthu hou tah tahvang ahahsai ajeh chu gamlha val jenga hitai.
Taz: Avoda Zara chonsetna ngaidam ahithei nadinga teshuva aneilouva ahileh ngaidam changlou ding ma ahi alangkhatna Teshuva aneiya ahitah leh ngaidam chan nadinga Shabbat ipidinga aganit khel khel kit ngaiding ham? Chazal in Yoma 86 a apeh bangin mihem khatnin Karet chan nathei chonsetna bol taleh Teshuva in achonsetna atuhtang ding ahi hinlah athi nikho tengleh achonsetna kinoimang bepding ahi ati bangin Avoda Zara chonsetna neikhat injong Teshuva anei nachungvumma Shabbat ahin nit tengle bou ngaidam achan nadinga phachom ding ahi
*6.Mishna Berura; Yalkut yosef 242:4;
*7.Dohthei khatchu Rabbi Akiva in mipi kithopina ngaichat sangin Shabbat nikho jong nikho dang bangin mangjeng tan ati hi Beitza 16b a kisei “Kei minnin batnin lajeng uvin chutileh keima tah in kasahpeh diu nahi” ati toh kikal dingin aumin ahi. Beit Yosef (ד”ה והא דאמר) Tosfot in Beitza 15b(ד”ה לוו) a asut nan Rabbi Akiva minna kiseipen hi sum asah nading neipa chungchang thudolla kisei ahi. Sum sah nading helou beh a sum batding Assur ahi. Rambam in Hilchot Shabbat Perek 30 Halacha 7 ajong asunnin ahi ama leh ama akisuh gentheiya mi komma sum athum ding dinmun ahileh hiche sangin Shabbat nikho jong nikho dang bangin mangjeng tan tin chachamim hon eina hil uve.
*8.Biur Halacha(ד”ה צריך) a kisun dungjui ivet dinga ahileh
*9.Taz Seif Katan 1 chuleh Mishna Berura Seif Katan 1 ana ven;
*10.Magen Avraham Seif Katan 1 a Zohar HaKadosh(Bereshit daf 130) minnin aseiyin ahi; Mishna Berura Seif Katan 2; Ben Ish Chai Lekh Lekha 7; Kaf HaChaim oth 17; Halacha Berura Khelek 13 amud 3;
*11.Shabbat Khelek 1 Krakh 1 Amud 53
*12.Yalkut Yosef in amunna chu nga nehding ajeh tamtah apen hiche ho lah a khat chu Nga khu amit asin ngailou banga Hashem injong Israel chate chu mit phelou hella aven jing ahi ti vetsah na ahin hitobang man Shabbat nilhah jongleh Hashem in eiveng jingui. Adang khat kit chu Sefer Khaim (שנת שפד Eruvin 19a) a akimun Olam Haba tengleh Leviyatan nga leh Shor haBar ihin nehdiu ahin hiche vetsah na achu Shabbat nikho jong Olam Haba nopsahna vetsahna a nga kine ahi.
Seudat Shlishi khel khella nehding ahung poimo najeh chu Bach Siman 292 a apehdannin Shabbat minkha pethi Hashem lunglhai pet ahi ijeh inam itileh hiche hun laitah chu Torah kisan hun ahi in Shabbat nikho a inakisannu ahi. Ihetthem nadiuvin Tur in Orach Chaim Siman 270 a Torah chu ahungin Hashem masangah ahungin Israel chate chu agamtheng alut tengleu a gamcheh uva alengpi lei kivet tup loi, adang danga kisaboi loi hiuvin tin Torah donlouva akoi diu ahitai ahung ti. Chu’in Hashem in ‘Lungkham hih in, keiman Shabbat nikho hi Torah ajil nading uva kapehdoh ahitaí’ ati. Yalkut Shimoni Parashat Vayak’hel Shabbat nikho hi Torah jil nadinga kipe ahi jeh a ijoleh jillouva umkhaovinte ti kichat nading aumpoi ati.
*13.Magen Avraham in Seif katan 1 a Tikkunei Shabbat minnin ahin polutnin ahi. Mishna Berura Seif Katan 2 ajong hiti machun akimui. Kaf HaChaim Oth 10 a kimu dannin tikkunei Zohar a hiti akisei jeng vangin Arizal in Shaar haKavanot a ahinpolut pon akimu sun chu daf 72 a Arizal in Shabbat nilhah teng nga anejin ahi tichu ahijengin ahi. Adeh a Pri Etz Chaim Shaar 18 perek 22 a akisut bangin Seudat Shlishi avang nga nehding ahi. Amun veve in ajeh jong Kabbala akonnin ape in ahi. Hiche akonna kimudoh thei chu Shabbat nilhah a kine nga chu atuina mai mai dinga kine ahin thei hamkhat dujeh a kine tobang ahibouve. Hinlah Sunna kine pa vang ajeh neitah a kine ahitai. Kav HaChaim in aseibe nan Sa jong nga jong naneh dinga ahileh Nga nemasan ati. Ajehchu siman 157 oth 38 a apehnan ipi hijongleh ineh dingle amin bai ding neh masat angaiyin ahi ati.
*14.Yalkut Yosef pg 55.
*15.Chacham Ben Tzion Aba Shaul ZTK”L in Or Letzion Khelek 2 151 apehdungjuiyin Washing Machine jengin jong soplouvin aphai ajeh chu ahetlut le aphoule a kisahboina jeh in phat akichai thou thouvin ahi. Hinlah aboiten tenna ahile vang vetsahnan Yom Khamishi nin go ajutai, hitobang dinmunnin phal ahi. Alangkhatna Maran Rabbeinu Ovadia Yosef ZTK””L in Chazon Ovadia pg 24 chuleh Yalkut Yosef ajong.
*16.Ki Bo Shabbat 242:52; Khut Sheni(Karelitz) 53.
*17.Darchei Moshe; Rema Siman 242; Biur Halacha(ד”ה והוא מכבוד שבת) in asut dannin tu khangin Numei khenkhatnin Dukaan a kijoh bread achoh jiuhi chondan hoilou tah ahi ati. Ajehchu Kvod Shabbat - Shabbat jabolna dinga kisem ahitapouve ati.Or LeTzion Khelek 2 siman 312 a akisut dannin hilai munna kisun chu amaho khang thu kisei ahin hinlah eiho khangin vang Dukaan ho ajong Shabbat a ding mong monga asemji tah jeh un aboina aumpoi ati. Ahinlah Mekubalim ho dungjuiyin Khalah kiladoh pa hi Adam HaRishon chu Khavah in ana chonsetsah suhdam nading jong ahi atiuve. Yalkut Yosef in Amud 83 a aipipi hitajongleh deisah chu ama tah in a inna akisem ding chu ahi ati. Chazon Ovadia Shabbat Khelek 1 amud 14 ana ven.
*18.Mishna Berura sief katan 6; Halakha Berura amud 21.
*19.a)Beit Yosef in Ran ahin polut in Ran in Raza minna asut chu Shabbat masang ni 3 masanga kon Issur um ahi kitina jeh chu hiche phat sung hi “Shabbat masang” tin akihen ahi{Magen avraham injong a Ta’am hitobang man asunnin ahi}. Koi tobang khat hiche hunsunga kong a kholjinna apotna ahileh Shabbat nikho vochon kigo in akisimmin ahi. Hiche hi Yom Revii a konna kipan ding dannin asun uvin ahi. Rivash injong asutnan Yom Revii, khamishi chuleh Erev Shabbat jong Shabbat masang tin akisimme ati. Rosh dungjuiya vang Yom Revií nikho vang akiphallin ahi. Ramban leh Rabbeinu Yerucham dungjuiya Yom Revii toh khamishi ahi in phal ahi. Ajehchu Yom Khamishi ni a isim pat leh Shabbat nikho chu ni thum(3) ni achu in ahi. Beit Yosef in hiche hi ahet hahsai ati ijeh inam itileh hitiding thou thou chu ahitah leh Baraita in jong Yom Shishi nikho bou akiphal poi tijeng leh kilomtah ahi ati. Magen Avraham Seif Katan 3 chuleh Mishna Berura seif katan 4 ajong Yom Revií chu Assur dingin aseiyin ahi hinlah Gra ahinpolutnin ama dungjuiya ni 3 kiti hi Shabbat ni jong ahoptha angaiyin ahi i.e. Yom Khamishi akon Assur ahi.
b)Yalkut Yosef in Shabbat Krakh 1 amud 302 a peh nan Beit Yosef in Rosh thusei achaina a ahinpoh lut akonnin Maran ngaidan dihtah chu Rosh dungjuiya Yom Revii phal ahi ti akimudoh theiyin ahi ajeh chu Poskim ho lekhasut dan chu achaina teng achepi ding pa chu achainan apansah jiuvin ahi. Chazon Ovadia Shabbat Krakh 1 Amud 107
Poskim tamtah dungjuiya Yom Revii akon Assur ahitah jeh in Yom revii a chenom khat chu atamjo Gentile ahidinga lebou phal ahi; Yalkut Yosef Shabbat Krakh 1 Amud 301