Hampa ahinglai khat bodoh ham ahilou le silhah ham chu Shabbat nikho in Kotzer (Chivo lhahkhom) dan dungjui in akiphal pon ahi(39 Melachos (Rabbi Ribiat, vol 2, pg 281), Shemirat Shabbat KeHilchata 26:10, Rambam Hilchot Shabbat 7:4, 8:3).
Kotzer dan hi leiset a pat kehdoh lou thilho chunga kimang am kimang louham ti poskim ho kikah in kinelna aum e(Minchas Chinuch kotzeir 2 in aseina achun Rambam dungjui in Kotzer hin leiset akon kehdoh thil hobou ahoptha poi ati e. Ale langkhat a Ramban in Shabbos 107b achun asei in Kotzer hin Leiset akon kehdoh thil hobou ahoptha e atin ahi.).
Shabbat nikho a thingphunga kon thingbah gah helhah, thingna gah silhah, thingga ham thingpah ham gah lolhah chu akiphal pon ahi (39 Melachos (Rabbi Ribiat, vol 2, pg 281), Shemirat Shabbat KeHilchata 26:10).
Shabbat nikho a theiga tol lhanga kon lo (pick) ding phal ahipoi(S”A 336:12).
Ahinlah thingbah chu Shabbat kipat masanga aphung toh kikhen sa ahitah le vang hiche thingbah a aga um hochu lolhah phal ahinai. (Shemirat Shabbat KeHilchata 26:10 in Rama 336:8, Beiur Halacha 336:8 s.v. SheNishpach min a hitin asun e, thingbah chu athingphung toh hoisel a akikhen lou laise a mikhat chun atheiga chu alolhah phallou ahi.)
Thei chu Amin lhingset hileh twi lhahsam jeh a aphunga goden hijongle lolhah ding phal ahipon ahi.(39 Melachos (Rabbi Ribiat, vol 2, pg 289))
Song chunga keh hampa ho bodoh ding ham ahilou le Pa lolhah ding hamkhat chu phal ahipoi(39 Melachos (Rabbi Ribiat, vol 2, pg 283), Shemirat Shabbat KeHilchata 26:10).
Mikhat chun thingphunga ga nalai theiga hamkhat chu anahden ding phallou ahi. Hinlah thingpah vang phal ahikit e.(Shulchan Aruch 336:10, 39 Melachos (Rabbi Ribiat, vol 2, pg 301), Mishna Brurah 336:48, Rav Yitzchak Yosef Motzei Shabbat Vayhakel Pekudei 5778 min 37)
Mikhat chun Shabbat nileh spice (ann sutui, namtuisah le arong khel nadia kimang) holah a avetsahnan Mint (pudina) ho khu aphunga kehlai chu anahden thei ahi e. Injou khat le aphung chu hin botdoh khante ti tijatna nei angaipoi(Rav Yitzchak Yosef Motzei Shabbat Vayhakel Pekudei 5778 min 37)
Thei Shabbat nia pul khat chu thamloh louding ahi. Ahinlah mikhatchun hoisel a ahet a Shabbat kipat masanga pul ahi ahet levang alah thei ahi e. Hijeng jongle ni le thum chunglam vang atolpul hochu alokhom louding ahi. (Shulchan Aruch 322:3, Mishna Brurah 322:5 and 6, 39 Melachos (Rabbi Ribiat, vol 2, pg 302))
Bemu adonthah nei khat chun ajung ahinkho tah a ahileh, akikoina theibom (jar) apat chu lahdoh got tah lou ding ahi. Hijeh a chu ilah doh nom a ahijongle Shabbat lut masanga lahdoh ngai ahi e.(39 Melachos (Rabbi Ribiat, vol 2, pg 283-4))
Ahinlah mikhatchun me a kihonthei anche-louhing khatchu mun dam lah a akoi jeh a adonthah ahung kisep doh tah le (Aloo le peas ho in aum nom e) a anche-louhing chu hiche mun a konchu alah doh thei ahi e (Muktze ahilou photle, ahinlah Aloo asel hokhu Muktze ahiuve). Chukit jongle mikhat chun hiche adondoh hochu Shabbat nikho mama a Jong a atlhah thei ahi e. Ahinlah mikhat chun, Borer (lhenkhen) apalkeh louna dia achihthei kit angai e. Hiche jeh a chu mikhat chun adonthah chu a atlhah dingtengle abal toh a atlhah tha got ding ahi. Ahinlah anche-louhing khatchu leiset chunga ana um na a ana dondoh ahileh vang, mikhatchun aumna mun a kon aga dopdoh ding phal hilou ding ahi e.( 39 Melachos (Rabbi Ribiat, vol 2, pg 285-7))
Mikhat chun muchi (Muktze hilou ho) adondoh go loulai khatchu hamdong kena leiset (Lawn) chunga apoh lele thei ahi. Ahinlah amuchi chu ahung dondoh tah le vang achoi lele phal ahipoi(39 Melachos (Rabbi Ribiat, vol 2, pg 288)).
Tol lhanga chun muchi khelha tahen lang amuchi chu ni ni nithum sanga lhomjo tol a chu um hitaleh alodoh thei ahi e. Khenkhat in amuchi khelha chu tuding lunggel nei puma leiset ana kivuh khum loulai nahle lodoh thei ahi ati(39 Melachos (Rabbi Ribiat, vol 2, pg 288-9)).
Mikhat chu tol chin a keh hampa ho leh hampa dinchan chan a sang ho kena leilah a chun lhai le dahen. Ajehchu ahet lou kah a hampa hochu ajung puma ana paldoh khah thei ahi e(39 Melachos (Rabbi Ribiat, vol 2, pg 291) quoting Beiur Halacha 336:3).
Hampa adong sitset ho atekahnan pahcha ho chung lah in mikhat chu va lele got dahen. Ajehchu ahampa chu chonkha taleh bong thei ahi e.(39 Melachos (Rabbi Ribiat, vol 2, pg 291))
Mikhat chun Dandelion (pahcha jatkhat apah itohkhah le ajal a jalbai) akenga apeh ding phal ahipoi. Ajehchu apeh a ahileh apah lah a anel (pollen) umhochu kithejah a thei ahi.(39 Melachos (Rabbi Ribiat, vol 2, pg 291))
Shabbat nia hampa chunga va lele ding, kichep ding le touding phal ahi e.(39 Melachos (Rabbi Ribiat, vol 2, pg 299))