Tzitzit

Tzitzit mitzvah in koi-koi ahoptha am?

• Tzitzit mitzvah hin juda pasal kum 13 alhing chule 13 akon achungse-se ahoptha ahi. Mishna Berurah 17:10 
• mitcho tajongle tzitzit mitzvah chu abol ngai ahi. Yabia Omer Orach Chayim 5:42 
• Tzitzit kivon tengle 613 mitzvot ho chule tua tzitzit kakivon akonna tzitzit mitzvah kasuhbulhit ding ahi tia agel ngai ahi. Shulchan Aruch Orach Chayim 8:8 
• Sephardic chondan dungjui in Tallit gadol chu chate mitzvah chungchanga hilthei ahi akonna kivei sah thei ahi. Yalkut Yosef Dinei Chinuch katan page 29. Chate mitzvah chungchang hilthei akiti kum chu Yallkut Yosef dungjui a kum 6 ahiloule kum 7 ahi 

• Pon mong li nei akivon phat phat lebou hiche(tzitzit) mitzvah subulhit thei dinga umding ahi. Hinlah mikhat chun hiche songkhol chu aneidi ngah louva amatah in akihol a akikhi a akivonleh ahoipen ahi. Yechave Daat 4:2

Tzitzit kivei phat

• Shulchan Aruch 18:3 dungjui a tzitzit a adum(blue) toh akang teni kikah'a hetkhentheina khop a kho avah tengleh tzitzit chunga bracha seithei ahi, Hiche phat tengleh khovah jeh'a chun 4 cubits(1.8288 meters) kikah a mihem khat le mihem khat kimuto thei ahi. Rabbi Ovadia Yosef in Yechave Daat 2:8 a hitin asei e hiche phat chu Jerusalem a nisaso masang 66 minutes masang ahi ati. 

• Tzitzit kiveiphat masanga bracha seiphal lou ahi, ahetloua bracha asei ana umtahle tzitzit kivei phat ahitengleh Bracha avel sei ngai poi. Halacha Brurah 1, 18:6 

Kosher kosher lou check bolding daan

• Yalkut Yosef Hilchot tzitzit page 80 dungjui chun tzitzit kivei masang sehleh kosher am kosher lou ham tia  vetlhah jing angai poi, hinlah hitibol chu halacha hoipen ahi ati, phatseh'a vetlhahna neiloutea janhi dunga vetlhahna anakinei chu tua ikiveiding ahileh janhia vetlhahna akinei chu kinganse thei ahi. Ikivei joutengleh tzitzit bom a koilut masanga vetlhahna neithei ahi, hitichu ibol leh ajing shacharit a ikivei dikonleh check bol angai poi(Yalkut Yosef Hilchot tzitzit page 84). tzitzit kivei masanga vetlhahna nei ding ahia ahileh bracha seimasanga vetlhah ding ahi(Shulchan Aruch 8:9). 

• Tzitzit khao hochu kikhitto le-le/akihalpol hitajongleh kosher ahithou-thouvin ahi. Hinla akihalpol/akikhitpol chu lhaplhah ding chu thil hoi ahi(Revivot Ephraim 1:23:5), hinlah bracha nasei masanga bol a pha ahi( Shulchan Aruch Orach Chayim 8:7). Mishna Berurah 8:18 a akisutnah'a chu koitabanga hamkhat chu tefillah dinga avai geileh vang alhaplhah angaipoi akiti. 

• Tzitzit khao akikhitpol/akihalpol hochu Shabbat nileh lhaplhah ding chu phal ahi, hiche tzitzit chu nidanga akivon khah lou mong-mong ahilevang phallou ahi.Yabia Omer Orach Chayim 5:3 

• Tzitzit achainah'a nivei akikhit(double knot) akonna anuilang khao 8 holah'a khat tan tajongleh tzitzit chu kosher ahi(Shulchan Aruch Orach Chayim 12:1) 

• Tzitzit Khao chu atan joununga nenpeinah(dustbin) a pei thei ahi ajehchu thienthouna aneitapoi Shulchan Aruch 21:1 

Tzitzit Katan

• Halacha Brurah 8:33 a Tzitzit von hochu asunga jong kivon thei ahi, mitzvah suhnemna ema aumpoi akiti 

• Yechave Daat 2:1 dungjui in tallit katan alhangpia vonsunga akivonjin ahi, hitima chun Arizal injong anakivon jin ahi.  

• Sephardi hon akhang akhang a tzitzit khaochu toka sunga akijiplut Jin ahi.Sh"t Yechave Daat 2:1. Sephardi chapang hovang lhagao lampanga lhahsam nading dinmun a aumleu, Yirat Shamayim(vaan ginna) neina dinga kijip lutloutea jong akoithei ahi, ahilouleh Askenazi yeshiva a akainah'a amaho(askenazi ho) chondan dungjui a jiplut hih in Tia min asei leh jiplutloutea koithei ahi. Hinla jinei ho/avrechim hon vang akijiplut uva pha ahi. Yalkut Yosef Orach Chayim 8:45-48, Dinei Chinuch Katan page 33. 

Tzitzit Brachot?

• Tzitzit chu athop a kivonding ahileh bracha khatbou sei a ani a houptha sahding ahi. Shulchan Aruch Orach Chayim 8:12 

• Bracha seimasanga tzitzit chop ding chu thilhoi ahi, hiche chun mitzvah ngailutna avetsah ahi. Yalkut  Yosef Sheirit Yosef 1:8:22 

• Tallit Gadol toh tallit katan chu na kivei ding ahileh Tallit Gadol bracha(lehitatef betzitzit)bou akisei Jin, hiche bracha chun aneopa Jong ahoup tha ji tan ahi. Yechave Daat 5:2 

• Tallit Gadol bracha chu "lehitatef betzitzit" ahi. Yalkut Yosef Kitzur Shulchan Aruch 8:13 

• Tallit katan chunga bracha "al mitzvat tzitzit" ahi. Halacha Brurah 16:1 

• Koitabangham khat chun bracha seiloutea tallit ana kivei taleh Hiche dinmun a tallit chu achunga aum(akivei) channa bracha asei thei nalai ahi. Shulchan Aruch Orach Chayim 8:10 

• Shehechyanu-Tallit(gadol) athah kichoh khatchun akivei joutengleh shehechyanu bracha asei ding ahi. Birkei Yosef 22:2, tallit athah chu achoh joua konna akiveimasatpetna asutlhah masangse-se'a shehechyanu bracha chu aseithei ahi. Halacha Brurah 22:7. Yalkut Yosef 22:2 eiho chondaan dungjui a tallit katan chunga shehechyanu bracha akiseiji poi 

• Tallit akivei joua asutlhah a apampot a akivei kit ding khat chun Hiche dinmun a phat asuhlut chu pung makhai sung ahileh bracha athah seikit ngai poi. Sh"t Yabia Omer 8:2 

Tallit Gadol

• Sephardi minhag dungjui a tallit gadol chu ikivei tengleh lu(head), ngong(neck), chuleh ikha(chin) kikhu sah ji ahi(Halacha Brurah 8:24). Askenazi hon vang amai(face)u jong akhu jiuvin ahi(Mishna Berurah 8:4) 

• Tallit Gadol chu bracha sei jou-jouleh emadang bollou a kivei ding ahi. Hinlah koitobang hamkhat chun Bracha asei jouva tallit chu achop khah ham ahilouleh among hohchu asepphatkhah ahialeh vang bracha chu avel sei ngai kit poi. Halacha Brurah 8:4 

• Tallit Gadol chu scarf tobanga ikivon tengleh mitzvah akisuhbulhit poi, hiche jeh a hitichu iboldinga ahileh hiche chunga bracha seijong phal ahipoi. Halacha Brurah 8:9 

• Tallit Gadol chu amasapenna ilu akitom jin, chujouleh itahsa a kikivon jin ahi(tzitzit khao ni anunglang, ni amasanglang a umdi). Halacha brurah 8:24 

• Tallit Gadol chu tol a akhihlhah a ahileh athah beh'a bracha seingailoutea kivei thei ahi. Sh"t Yabia Omer Yore Deah 3:17:11 

• Adamlou khatchun atoupuma tallit gadol akivei thei ahi. Halacha Brurah 8:3 

Tallit Gadol chunga thiljih(bracha ho, Torah thu ho) ding phal ham?

• Tallit Gadol chung'a bracha ahilouleh Torah akonna passuk(bungleh chaang) sut ding phal ahipoi Shulchan Aruch Yore Deah 283:4, hinlah hiche tobang tallit anei khat chun amanthei ahi hinlah hoitah a ajentup ngai ahi. Kaf Hachayim 24:24 

Tallit Gadol mi a jah chungchang

• Tallit Gadol chu iloikhat'a ijah a ahileh bracha seiding ahi, ajehchu aneipachun nanman sah achu akilelah ding ahivanga Najahsah sungse achu nang napih a kisim ahi hinlah hiche chu ahoipen chu ahipoi. Ben Ish Chai lech lecha halacha 5 

• Hou inna Tallit Gadol akikoiho iman dingleh bracha sei ngai ahi.  Ben Ish Chai lech lecha halacha 5