Halacha(Yalkut Yosef akon kilehdoh ahi)
Shabbat nia numei ho in strawberries aneh uva konna, ane(lips) uva chu strawberry rong chu mat tajongle aneh ding'u chu phal ahi. Ajehchu alungtup uva chu ane rong nuding tia loujeh'a jong ahin chuleh ine a rong ikinujongle hitichu angainah'a akinu daan ahiloujeh'a phal ahi
Shabbat nia ikisuhkhah namun a white bandage kitomleh thisan rong chu bandage achu mat ding hitajongle tomding phal ahi ajehchu ahileh bandage chu akiman chai tengle paidoh ding ahi hichejeh'a tua thisan rong amat chu akinu hitalouvin akisunen a kisim ahitai. hitamabanga chu Shabbat nia ikisuhkhah namun a tissue koiding jong phal ahi. Ahitheichanna twi a ikisuhkhahnalai chu lhoulhah a pha ahi, hitichu ibol leh bandage hihenlang tissue chugn hitajongle ithisan amat ding chu lhomdom ding ahi.
Hemorrhoids(piles) veikhat chun toilet paper aman nah'a athisan mat ding hitajongle Shabbat nia toilet paper chu amanding chu phal ahi. hitamabanga chu nahthit(nose bleed) aveijing khat jong chun anahthit asuhtang nadinga Shabbat nileh cotton chu amanthei ahi, hiti abol khat chu tzove'a melakha apalkeh in akisim poi. Hinla achunga akisei hoa konna kikangse a thildang a kijan thei ahilevang amachu vaan akonna vangbuohna chang ding ahi.
nehle chach rong nu chungchang
Shabbat nia nehle chach rong nu ding chungchanga kiphallouna aumpoi. Hiche jeh'a nehle chachchu atui cheh nadinga(ahiloule alim a atui chech nadinga) ai-eng hal thei ahi. tzove'a melakha in akisim poi. Hitabanga chu cha lah'a cake chu de lut a nehthei ahi(cha rong chu cake chunga mat tajongle phal ahi).
nehle chach a rong nu ding akiphal banga theitwi ho ahiloule donding ho jong rong nu thei ahi(rong chu nehthei ahi ngai ahi). Shabbat nia theitwi rong jat-jat hal thei ahi. Poskim khenkhat in theitwi aha-thet ho toh twi eihal ding ahialeh, theitwi chu khon a sun masat ding hichiejoutenglechun aha hochu chu sunkhum ding ahi atiuvin ahi, hiti hi bolding akitivanga tei-tei ahipoi, hinla hichie ajui khat chu vaan akonna vangbuohna changding ahi.
Hitamabanga chu Shabbat nia cha alhumthet chuleh chadoh ahat thet khat jong chu twi sa toh nahal thei ahi(keli sheni a), tzove'a melakha in akisim tha poi. achunga akisei banga Poskim khenkhat in cha tochun twi nahal ding ahileh cha chu khon a nasun masat ding hichie joutengle twi chu nasun a nahal ding ahi atiuvin ahi. akiseisa banga hichie chu tei-tei ahipoi hinla ajui jou khat chu vaan akonna vangbuohna chang ding ahi.
Shabbat nia paper plate hoa nehlechach koithei ahi ahiloule paper cup hoa theitwi ho jong sun thei ahi, hiti abolnah'a paper chunga theitwi ahiloule nehlechah chu mat tajongle tzove'a melakha in akisim poi.
Mohel khatchun Shabbat nia yain lah'a patchon adelut ding chu phal ahi, patchon chu akisunen in akisim in tzove'a melakha in akisimtha poi.
mitbeh light in akho dungjuia rong akikhel thei ho khu Shabbat ni hijongle kibehding phal ahi. tzove'a melakha in akisim poi.