Kippah ikikhuhleh vaan ginna(HaShem ginna) akinei jin chuleh HaShem chu ichunguva aumjing e ti kigeldoh jing ahi. Gemara Shabbat 156b
Kippah kikhuh loukhat chun bracha asei phal lou ahi. Yabia Omer Orach Chayim 6:15. hinlah koitobang hamkhat chun bracha ana seichai joua kippah akikhuhlou hingeldoh taleh, a bracha seichu avel sei ngai tapoi. Yabia omer 6:15(6).
Gra(Biur HaGra 8:6 chuleh Meorei Or (Bear Sheva 15b) in kippah kikhuh loukhat chun bracha asei phallou ahi kiti hi midat chasidut(ahoipenna kibol) ahi akiti, hiche jeh'a koiham khat chun kippah ahol jeh'a bracha aseiman tahlouding dinmun(tekahnah'a vaan aginna leh) a aumle, hiche dinmun achu kippah khuhloutea bracha seithei ahi akiti.Yabia Omer 6:15(6) injong akholchel a hichechungchanga bracha aseichu asuhbulhit thouthou ahi akiti
kippah kikhuh loutea Torah thu gel phal ahi Sh"t Yabia Omer 6:15(7)
kippah khuh loutea amot 4(200 cm/2 meter vel) chi nah'a phat akisulut jat umthei ahi. Shulchan aruch 2:6
Kippah jaolou a emut, kisil chuleh kijap tiho bol thei ahi(Yabia Omer 6:15:7), hinla hiche ho munna bracha nasei ding dinmun umtale kippah nakikhuh ngai ahi(tekahnah'a kijap namun a bracha naseiding dinmun aumle kippah kikhuh a bracha nasei ding ahi), halacha ahoipenna chu emut kisan a kippa kikikhuh ji ahi(Eliyahu Rabbah in Shlah min in asei in ahi). Kaf HaChaim 2:18
ikhutchu kippah'a simthei lou ahi, hichejeh'a ikhutman phallou ahi, ahivanga midangkhat khut/isongkhol ban puon vang kippah aumlouna munna manthei ahi Shulchan Aruch 91:4
kippah jaoloutea Shalom tia donbut ding chu phal ahi. Yabia Omer 6:15(8)
kitzur Shulchan Aruch 3:6 dungjui in chapanghon jong yirat shamayim(vaan ginna/HaShem ginna) anei thei nadiuva kippah khuhsah ngai ahi akiti. chapang achi thei akonna kikhuhsah ding deisah ahi(Yalkut Yosef Dinei chinuch katan page 25)
Numei jinei nailou honjong Amida tengle alu kitomding thilpha ahi chule minhag(chondan) jong ahi hinlah akitomlou honjong kingap nading source dang anei uve Yalkut Yosef 91:8
Kippah chu hoilanga konna kivejongleh muthei ahingai ahi, ahoipen chu ahile ilu atamjo atom ding chu deisah ahi. Halacha Berurah 2:12
kippah avangho(tekahnah'a chaangpol lukhuh ho ahiloule puon pat sa ho akonna kisem ho) kikhuh ding chu phal ahi Halacha Brurah 2:1
Yalkut Yosef Siman 2 halacha 35 dungjui a kippah kikhuhman a natoh nalhaso khah ding ahilou nanatohna akonna nanodoh deu ahile lahdohphal ahi, hinlah mikhat chun kippah kikhuh jeh'a kippah kikhuhpa chu totnah'a anei ham ahiloule ama chun judate avetdaham khat ahile hichedinmun'a vang kippah akhuh den ding ahi, kippah lahdohding phallou ahi