Thumakai
Av melacha Kosher holah'a "khaokhi" chu Mishkan kisah lai'in ana kimang in ahi. Ipu ipateuvin kohanimho dingin vonho leh puonho rongnu nah'a blue/adum rong(tekhelet) akimang in hiche rong chu hilazon akon kila ahi hiche(hilazon) matna dingin len (net) ana mangjiuvin ahi, hiche len(net) semna dinga chun khaokhi ana ngai'in ahi.
Imiching mithemho'n(sages) (shabbath 111b) khaokhi hi jaat-thum in akhen un ahi:
1. Torah dungjui'a Shabbath ni'a khaokhi phallouho,
2. miching mithem(sages) ho dungjui'a khi phallouho
3. chuleh shabbath ni'a khi phalho.
Rashi leh Rabbeinu Asher hilchetna in hiche jaatthum hohi akikhi daan dungjui in akikhen in ahi. Hiche khao kikhit chu kikhit detchet'a phaat sottah kilhamlou ding ahileh Torah dungjui'n akiphal pon ahi.
Khao kikhit chu phaat sotthim(hinlah kilhamkit dinga) akikhi den dinga ahileh sages ho dungjui'n phal ahipon, hinlah mikhat chun akhaokhi chu(kikhi jouva) kilham pai dinga akhi ahileh shabbath nia akhiphal ahi.
Poskim ho kikah in "phaat sottah a dinga kikhit" leh "phaat sotthim a dinga kikhit" chungchang in kinopmo tona a'um in ahi.
Rav Yitzkhak Alfasi leh Rambam in hiche hilchetna chungchang'a hin anompon, amani dungjui'n hiche chungchang ahin lunggel ni(2) a'um in ahi. Khat chu ahileh khao kikhit chu ichan sot umden am ti ahin, chuleh khatpa chu "thepna neimi" leh "milham" khi ahi. Thepna neimi khaokhi ahi'a phaat sottah akikhi den dinga ahileh Torah dungjui'in shabbath ni'a khi phallou ahi. Hinlah milham khaokhi ahi'a phaat sottah akikhi den dinga ahileh, sages ho dungjui'n akiphal pon ahi.
Hitobangma'a chu thepna neimi khaokhi chu phaat chomkhat a dibou akikhi den ding'a ahileh sages ho dungjui'n akiphal pon ahi. Milham khaokhi ahi'a chuleh phaat chomkhat bou akikhi den ding'a ahileh shabbath ni'a kiphal ahi.
Rashi leh Rabbeinu Asher dungjui'n milham khaokhi chu phaat sottah kikhit den'a a'um dinga ahijongle Torah in aphalpon ahi, hinlah Rabbeinu Ha'Alfasi leh Rambam in vang sages ho'a bou phallou ahi ati. Chuleh Rashi leh Rabbeinu Asher dungjui'n thepna neimi khaokhi chu phaat chomkhat akikhi den dinga ahileh phal ahi, chuleh Rabbeinu Ha'Alfasi leh Rambam in sages hon aphallou ahi ati.
Shulchan Arukh in Rabbeinu Ha'Alfasi leh Rambam dungjui'n achepi'n ahi. Shulchan Arukh halachaho ijui jeh uva chu hiche halacha hohi Sefardi Jews te'a ding ahi.
Halacha (Yalkut Yosef Hilchot Shabbat a pat kilehdoh ahi)
1. Khao jangkhat chu shabbath masang'a ana kikhi'a ahileh shabbath ni'a gakhi be kit ding phallou ahi. Hitobanga khaokhat among ni(2) chu velni ana kikhi'a ahileh avel thum(3) na chu gakhi be kitlou ding ahing.
2. Khaokhat chu khi detchet ding etileh among teni chu khatvei khi'a chuleh ajat chom deu'a velkhi kit thei ahi. Poskim khenkhat hiche chungchang a hin akhou un ahi. Hinlah khaokikhit chu ni sagi sung'a lhaplhah ding'a igel louleh shabbath ni'a khaokhi ho'a kon kikangse ding ahi.
3. Mikhat chun shabbath masang'a a kengkoh khao chu anakikhi detchet khah a ahileh Friday jaan a jong akilhaplhah thei ahi. Akengkoh khao chu lhaplhah theilou hel'a ana kikhi khah a ahileh a chetan jengthei ahi. Hinlah Juda daan hethem behset louho masang'a bollou di ahi ajeh chu daanho chung'a gelnep na anei thei ahi
4. Toka khao chu alhaging(loose) a ahungdoh'a ahileh lethillut kit lou ding ahi. Sages ho'n hichehy ajah da un ahi, ajehchu akhao chu lethil lut a eloidoh teng akikhit denden dinga khiding a lunggel kinei khah dijeh ahi
5. Shabbath ni'a khao kikhit chu dettah'a kikhit a phaat sottah akikhi den dingaleh phallou ahi. Ahivangin akhitpa chun shabbath kichai masang'a lhap ding atile phaat sottah akikhi denlou ding'a ahileh shabbath ni'a khi phal ahi.
6. Poskim khenkhat in itobang chu thepna neimi khao khi ahi akihetthei lou jeh chun, khaokhi beichakhatho hijongleh kikangse ding ahi ati. Vetsahna'a khao nivei ho tobang kikhit lepto. Mikhat in phaat sottah kikhit den ding'a akhi ahilou jongleh, hitobang khaokhiho a chu kikangse ding ahi. Hinlah khao kikhit chun tahsa damlouna laikhat adamsah thei ahileh vang kiphal ahi.
7. Khao kikhit'a avelvel a khi lepto chu bollou in aphai. Poskim dangho geldan in hitobang khaokhi maimai hohi khaokhi thepna neimi ho'n akhi dingin ginchat a'umpon ahi ati. Hinlah Israel gam'a alhangpi'a kichepi chu ahileh shabbath ni'a khao ni(2) kikhit lepto thei ahi akhitpa chun nisagi sunga alelhap kit dingleh. Chuleh koi tobangkhat in hiche chungchang'a daan khoutah'a ajuinomleh nithum kah'a alhap ding ahi. Khao khat avel vel'a ikhilepto'a lejong hitobangma ahi. Hinlah Shabbath ni'a khaokhi a kon'a kikangse khatchun vaan a kon'a phatthei na changding ahi.
8. Shabbath ni'a thepna neibeh setlou a khao kikhit chu akilhap pai dinga ahileh phal ahi.
9. Khaokhat chu shabbath ni'a khi phallou ahitahleh hiche khao chu shabbath ni mama'a lhapphallou ahi. Hinlah khaokhat chu khi phal ahileh hiche khao chu lhapphal ahi.
10. Shabbath ni'a kengkoh ikhi teng nisagi sunga kilham pei ding ahi eti leh kengkoh khao khi phal ahi. Poskim khenkhat in nithum sunga kilham ding ahi etilebou khi phal ahi ati un ahi. Hinlah, poskim jousen kengkoh khao chu shabbath jaan leh yom rishon chan'a akilhap louding hijongleh shabbath ni'a khi phal ahe ti'n akinopto'uve. Mikhat chun nithum sunga kilham ding ahe ti'a akhi ahitahleh eti'n tijongleh akiphalle. Hichemabanga chun , yom sheni teng Torah scroll chu lhap ding ahijeh in shabbath mincha a Torah simjouteng, Torah scroll chu apon khi nah'a chu gah khiphal ahi.
11. Mikhat chun thepna neimi(professional) banga akhaokhi chu phaat sottah kikhit den ding'a shabbath ni'a akhi'a ahileh, shabbath apalkeh ahi. Sages hon hiche toh kisai'a vetsahna apieh uchu sangongsang neipa'n akhao sangongsang nahhom'a akhi toh akhao chu sangongsang nahba'a(nosering) akhao phaat chomkhat a ding'a kikhit meimei toh akikhe'in ahi. Vetsahna adangkhat chu ahileh tuikong tolpa khaokhi, tuikong'a khao kikhit chu phaat sottah ding'a kikhit detchet ahi,hinla tuikong kingah na'a khao kikhit vang phaat chomkhat adibou kikhit a detbeh lou'a kikhit chu ahi.
12. Milham khat in akhaokhi phaat sottah kikhit den ding'a akhile sages ho dungjui'n shabbath ni'a kiphallou ahi atiuvin ahi. Goha(well) a tui thal nading'a baltin a khao kikhit. Vetsahna adang khat chu gancha tahsa chung'a thil apoh thei nading khao kikhitho. Hiche hohi sottah kikhit den ding'a akikhit hijongle sages ho dungjui'n shabbath ni'a phal ahipon ahi.
13. Mikhat chun thepna neimi ho banga shabbath ni'a khao akhi chu phaat chomkhat bou akikhit den ding'a akhi'a ahileh, Torah dungjuia hilouvin sages ho sei dungjui'n akiphallou ahi.