Tefillin

• Tefillin akhao khu retzuot kiti ahi. Tefillin akhao avom chun apolang angat ngai ahi. Shulchan Aruch Orach Chayim 27:11

• Shulchan Aruch Orach Chayim 32:40 Tefillin bom(Batim/parashyot kisun ho koina bom) chu avom ahi ngai in ahi. Halacha Brurah 32:161 dungjuia Batim chu Ana vom tahih henlang upai dang umtahihleh manthei  ahi akiti. 

• Shulchan Aruch Orach Chayim 32:39 dungui chun Tefillin Batim chu square shape-> ⬛  ahingai  in ahi.

• Tefillin parashyot sutna chu klaf akitin ahi, klaf chu savun pheeng lekha sutna-a kimang khu ahi, hiche klaf chu kosher gancha le vacha vun akonna bou septhei ahi. Shulchan Aruch Orach Chayim 32:12 

• Parashyot hochu savun asunglanga kisun ji ahi, hitichu ahilouale Tefillin chu man phallou ahi. Shulchan Aruch Orach Chayim 32:7

• Klaf chu Kosher gancha leh vacha akonna ahipoule Taref(kithat khel) hitajongle Tefillin parashyot ho sutnah'a manthei ahi. Gancha ahiloule Vacha Kosher lou holah'a ajaolou pouleh'a avun chu klaf a manthei ahi. Kitzur Shulchan Aruch Yalkut Yosef 32:20 

• Kitzur Shulchan Aruch Yalkut Yosef 32:12 a hitin akisun e "Tefillin jetlang khut a akisun akimujou poule veilang khut a kisun tefillin chu pasul(manding phallou) ahi" Hiche jeh'a Jetlanga kisun tefillin toh veilanga kisun tefillin kikah'a lhen ding ahileh Jetlang a kisun tefillin chu lhen ding ahi.

• Dio(Torah le tefillin ho jihna pen tui/ink) avomma jih tefillin parshyot chu jih ding ahi. Rong(color) danga akijihle vang pasul(athienglou) ahi. Kitzur Shulchan Aruch Yalkut Yosef 32:7

• Lekha asim toh asun thim, chule chapang hilouva alen, hougut mi ahi ngai ahi sofer hinadinga. Shulchan Aruch Orach Chayim 32:30, 39:1 

• Shulchan Aruch Orach Chayim 32:2 dungjui a tefillin luchanga pachu klaf 4 in akisun jin ahi. khut apa chu klaf khat in akisun jin ahi 

• Tefillin parashyot hochu Shulchan Aruch Orach Chayim 32:1 dungjui a hiche ho hi ahi- 1.Kadesh li, 2.Vehaya ki 3.Shema chule 4.Vehaya Im.

• Tefillin luchang'a batim a shin lim aum in chule batim retzuot khu dalet lim in akikhit in ahi chuleh tefillin khut'a pa(yad) retzuot(khao) a yod lim aum in ahi. Shin-Dalet-Yod hiche ho thum chun HaShem min akoudoh in ahi. Kitzur Shulchan Aruch (Rabbi Raphael Baruch Toledano, siman 10, laws of straps, seif 1

• Tefillin Khao rong chu pasal, numei chule chapang(pasal pi lhing khat in aveta Tefillin mitzvah ading ahe Tia abolsahle) hon abol ding phal ahi. mishna berurah 33:23

• Tefillin akhao hochu avom ahi ngai in ahi.shulchan Aruch Orach Chayim 33:3

• Tefillin khut apa khu klaf 1 a akisun ji. Shulchan Aruch Orach Chayim 32:2

• Tefillin parashyot amasa thum khu petuchot akitin chule achaina alina pachu Setumah akitin ahi. Yechave Daat 5:3

• Sephardi ten khut a tefillin(tefillin shel yad) toh lu a tefillin(tefillin shel rosh) chunga bracha khat bou akisei jin ahi. Tefillin shel yad kikhi chah dikon tengle "Baruch Attah HaShem... asher kideshanu... lehaniach tefillin" akisei jin khut a pa toh lu a pa ahoptha dingin akisei jin ahi. Shulchan Aruch Orach Chayim 25:5

• Tefillin shel yad chu iban a ivei dikon a iloi chah dikon tengle bracha "Baruch Attah HaShem....lehaniach tefillin" akisei jin ahi. Shulchan Aruch Orach Chayim 25:8

• Tefillin khat pen-pen inei a ahileh inei pen pen chunga bracha seia kivei ding ahi. khut a pa(shel yad) bou inei le "Baruch Attah HaShem...lehaniach tefillin" tia seiding, lu'a pa(shel yad ) bou ineile "Baruch Attah HaShem...al mitzvah tefillin" akiseijin ahi. ajehchu shel yad hileh shel rosh hileh ania mitzvah chom-cheh-cheh ahi. Shulchan Aruch Orach Chayim 26:1

• Tefillin khut a pa toh  tefillin lu a pa kivei akikah'a kaddish le kedusha donbut thei ahipoi. Kaddish le kedusha kisei pet ahile khongai a ngaiding ahi hinlah donbutlou ding ahi. itihamkhat a nadonbut khah ahitahle Tefillin bracha nasei kit ngaipoi. Shulchan Aruch Orach Chayim 25:9 Kitzur Shulchan Aruch Rabbi Raphael Baruch Toledano Siman 10, laws of donning tefillin seif 14

• Tefillin shel yad toh shel rosh kiveina akikah'a kaddish le kedusha dinga kingah ding hinla donbutna pih thei lou ahi. Koitabanghamkhat chun ana donbut taleh avel a tefillin bracha chu ale sei angai tapoi.(Shulchan Aruch Orach Chayim 25:9, ibid 25:10, Kitzur Shulchan Aruch Rabbi Raphael Toledano), 

• hitamabanga chu tefillin shel yad toh shel rosh kivei akikah achu midangin bracha asei chunga Amen tia jong donbut thei lou ahi. koitabangham khat chun amen tia ana donbut tajongle tefillin bracha chu ale sei angai tapoi. (Kitzur Shulchan Aruch Rabbi Raphael Baruch Toledano), hinlah khut akivei jou a lu a pa kivei masanga tefillin toh kisai lou thu khat aseidoh khah a ahitahle lu a pa dinga bracha("al mitzvat tefillin") achombeha asei ngai ahi. Shulchan Aruch Orach Chayim 25:9, hinla athusei doh chu tefillin toh kisai ahilevang bracha chu asei ngai poi. Shulchan Aruch Orach Chayim 25:10

• Tefillin chu kosher tajongle akigu(stolen) khat ahia le hiche chunga chu bracha seitheilou ahi. Shulchan Aruch Orach Chayim 25:12

• Tallit chu tefillin kivei masang kivei ding ahi. Shulchan Aruch Orach Chayim 25:1, halacha brurah 25;7

• Askenazi chondaan a tefillin shel yad toh tefillin shel rosh ani a akivei sung se-se in adingjiuvin ahi hinlah eiho Sephardi ten vang Arizal ichi piuvin chondaan a shel yad akivei tengle akitou jin chule shel rosh tengle akiding jin chule tefillin kivei chai chan akiding jin ahi Sh"t Yechave Daat 4:36

• Tefillin shel yad toh tefillin shel rosh teni lah'a tefillin shel yad chu kivei masat ding ahi chujouleh tefillin shel rosh apa vei ding ahi. Chazon Ovadia Khelek 2 page 209 a hilchetnah'a tefillin shel yad kivei joua tefillin shel rosh kivei ji hin Na'ase venishma(HaShem thupeh "ka bol uva kangai ding uahi"Shemot 24:7) jong avetsahna ahi ati. Na'ase(tefillin shel yad) venishma(tefillin shel rosh), Na'ase(kabol deu) iti masat jeh uva shel yad(khut'a) chu ikivei masat jiu ahi, chujoule VeNishma(kangai deu/kahet gut deu) itijeh uva tefillin shel rosh(lu'a) pa kivei ji ahi. khut'a pa vei masat ding kiti hi Gemara Menachot 36a in Devarim 6:8 akon ahin lahdoh ahi.

• Shulchan Aruch Orach Chayim 27:6 dungjuia thiljih nah'a amanlou nalang khut chu anop langa kisim ahi hiche jeh'a veilanga lekha sun khat chun jetlanga tefillin akivei ding ahi.

• Jetlang khut amangcha jing khat chun veilanga akivei ding ahi. Shulchan Aruch Orach Chayim 27:1

• Tefillin kivei chai-chai le Parashiot "vehaya ki Yeviacha" toh "Kadesh li" minhag chipi nah in akisim jin ahi ajehchu hiche hi tefillin bom sunga parashiot akikoi holah'a jao ahi.(Mishna Berurah 25:16) Khenkhat in hiche hi sim angai poi atin ahi hinlah simding chu thilhoi ahi. Halacha Berurah 25:21

• "Ukshartem leot al Yadecha" akisei tengle tefillin shel yad tohkhat angai in chule "vehayu letotafot bein einecha" akitengle tefillin shel rosh tohkhah angai in ahi. Yalkut Yosef 28:2. Chondaan dungui in hiche lai munse-se injong tefillin akitham jin ahi-Oter Israel betifara(lu a pa bou akitham jin ahi), Ozer Yisrael bigura(khut apa bou akitham jin ahi), Kadesh li kol bechor, yehe kevod, chule masbeha kol lechol chai ratzon(hodu a aumpen), birkat yotzer a kadosh, kadosh, HaShem Sefatai tiftach, hamevorach et amo bashalom. Yalkut Yosef 28:2

• Tefillin lhaplhah ding daan hiti hi ahi Tefillin shel yad khut phang a akivei hochu lhaplhah ding chule keuchong toh khutphang kikah sagi vei kivei chu themkhat lhaplhah ding abanna Tefillin shel rosh chu dinpuma lahdoh ding, tefillin shel rosh chu kantup a abomma koidoh ding, hiche joutengle chun toulhah a tefillin shel yad lhaplhah ding akivat se-se lhaplhah ding chule tefillim bom ma koidoh ding ahi. Sephardic Kitzur Shulchan Aruch Rabbi Raphael Baruch Toledano Siman 10, laws of donning tefillin seif 38

• Itih phatle Tefillin chu lhaplhah thei ham? Ahoipen chu ahile Al ken joua chomkhat jen Tefillin puma Torah kijil ding chu ahi,(Ibid, siman 10 laws of donning tefillin seif 32) Arizal dungjui a Al ken joua lhaplhah thei ahitai, hinla akino val khat chun amapenna Uva letzion a kedusha chan beh Tefillin chu kivei ngai ahi.Shulchan Aruch Orach Chayim 25:14

• kiryat Torah pettengle Torah chu Aron a akile koilut takah a tefillin lhaplhah lou ding ahi hinla aloutheiloua tefillin chu asutlhah ding angai a ahile alu chu tallit a akhu masat ngai ahi chutengle bouchun Torah muloua Tallit nui achu alu a tefillin chu Akilah doh ding ahi.Sephardic kitzur Shulchan Aruch Rabbi Raphael Baruch of Toledano siman 10, laws of donning tefillin seif 33. Brit milah tengle chapang pa apa, sandak pa chule mohel pan tefillin akibol dan ding minhag ahi. ibid seif 37

• Tefillin shel rosh chu ilu akonna ilahdoh tengle khut anopjo pa man a lahdoh a pha ahi, hiche hin mitzvah ngailut a chule mitzvah angahnom lou na avetsah ahi. ibid, seif 39. Tefillin lahdoh tengle chop(kiss) ding chu thil hoi ahi. Shulchan Aruch Orach Chayim 28:3

• Tefillin athah inei chunga bracha akisei ji poi. Biur Halacha 22:1 achun hichechung changa kinel kal nah'a konna kikangse nadinga von thah kivon a sehechyanu bracha sei a tefillin chu hoptha sah ding ahi akiti

• Chatzitzah tichu sekhen tina ahi(Tefillin toh tahsa asepkhen thil ho chu tina ahi) tekahnah'a tefillin shel yad toh tahsa kikah a ema koilou ding ahi(Shulchan Aruch Orach Chayim 27:4) akikah a von ham aum khah le von chu chatzitzah kiti ahi. HInla medical reason ahitengle vang halacha akhoulou juithei dinmun hung hithei ahi.(Shulchan Aruch Orach Chayim 27:5)

• Sh"t Yabia Omer 2:2 Rabbi Ovadia Yosef zt"l in hitin asei e Tefillin kivei tengle pung nakibu a ahile lahdoh angai poi.

• Tefillin kivei tengle hichengse hi tefillin toh tahsa kikah a aumtengle Chatzitza in akisim in ahi, nieldi(loose dirt), Sam a twi aum/akot(Shaarei Teshuva 27:6), Sam kihapthu/toupee(Mishna Berurah 27:16) Khenkhat in Sam sao jong hi Chatzitzah ahi atiuvin ahi hinla Chatzitzah ahipoi atiloi jong aum in ahi, hinla ben Torah(Torah jui a hinkho mang) kahi atipou-pou chun sam akisuh sao ding deisah ahipoi. Yechave Daat 2:2.

• Tefillin shel yad a batim kiveina lai baan(bicep) chu cast(plaster) a akitom ahia lahdohtheilou ahialeh Tefillin shel yad a bracha seiloua Tefillin shel rosh(Tefillin lua pa) chunga bracha sei a iseipet tengle shel yad Jong kavana pih tha ding ahi.Sh"t Yabia Omer Orach Chayim 2:2. 

• Tefillin shel yad batim kiveina baan(bicep) chu Ema a kitom lou ahivanga retzuot sagi vei kiveina lai kah chu plaster a kitom ahiale bracha sei thei ahi, ahithei Chan a plaster chunga chu veilou a pha ahi. Sh"t Yabia Omer Orach Chayim 2 

• Tefillin khut a pa toh  tefillin lu a pa kivei akikah'a kaddish le kedusha donbut thei ahipoi. Kaddish le kedusha kisei pet ahile khongai a ngaiding ahi hinlah donbutlou ding ahi. itihamkhat a nadonbut khah ahitahle Tefillin bracha nasei kit ngaipoi. Shulchan Aruch Orach Chayim 25:9 Kitzur Shulchan Aruch Rabbi Raphael Baruch Toledano Siman 10, laws of donning tefillin seif 14

• Tefillin shel yad toh shel rosh kiveina akikah'a kaddish le kedusha dinga kingah ding hinla donbutna pih thei lou ahi. Koitabanghamkhat chun ana donbut taleh avel a tefillin bracha chu ale sei angai tapoi.(Shulchan Aruch Orach Chayim 25:9, ibid 25:10, Kitzur Shulchan Aruch Rabbi Raphael Toledano)

• hitamabanga chu tefillin shel yad toh shel rosh kivei akikah achu midangin bracha asei chunga Amen tia jong donbut thei lou ahi. koitabangham khat chun amen tia ana donbut tajongle tefillin bracha chu ale sei angai tapoi. (Kitzur Shulchan Aruch Rabbi Raphael Baruch Toledano), hinlah khut akivei jou a lu a pa kivei masanga tefillin toh kisai lou thu khat aseidoh khah a ahitahle lu a pa dinga bracha("al mitzvat tefillin") achombeha asei ngai ahi. Shulchan Aruch Orach Chayim 25:9, hinla athusei doh chu tefillin toh kisai ahilevang bracha chu asei ngai poi. Shulchan Aruch Orach Chayim 25:10

• Tefillin kivei tengle HaShem in tefillin mitzvah ipih utoh, tefillin a parashyot li akisun ho chu gel jing ngai ahi. Shulchan Aruch Orach Chayim 25:5

• Tallit toh Tefillin chu bag khat a thakhat a koi ding ahialeh, bag aningkhat a tallit koi ding chuleh aning khat a tefillin koi ding ahi Shulchan Aruch Orach Chayim 25:1 a akisut banga tefillin chu tallit chunga koilou ding ahi ajehchu ajole tefillin nahlah doh masat khah ding ahi. Halacha Brurah 25 in hiche chungchanga hitin asun in ahi-alelanga tefillin chunga tallit jong chu koilou ding ahi ajehchu tallit chu anuia nakoi a kijaalou tabang ahi, hiche jeh'a aning-aning(side by side) a koi a pha ahi ahiloule bag chom-chom a apuh a pha ahi.

• 
  

• Halacha Berurah 25:11 Arizal in Tefillin kivei masang in inna Tallit gadol akivei jin ahi, hichetabanga chu eihon jong Tallit ikivei masat jiuvin ahi. Ahoipen chu ahile inna Tefillin toh tallit chu kivei ding ahi, hinlah inn toh hou inn kikah'a gentile ho umna mun ham ahiloule alampi chu nen ham ahiale vang hou inn lut masanga hou inn corridor ajong Tefillin chu akivei thei ahi Kitzur Shulchan Aruch of Rav Rephael Baruch Toledano siman 10(laws of tefillin)

• Minyan (mi 10) holah'a jaomanlou ding hijongle hou inn alut masanga Tefillin akivei ding chu deisah ahi. Halacha Berurah 25:13

• Sephardi te chondaan dungjui birchot hashakhar le birkat HaTorah akisei joutengle bou Tefillin akivei Jin ahi.deisah chu ahile jingkah korbanot a shema masang chule parashat Hatamid masanga kivei a pha ahi. Shulchan Aruch Orach Chayim 37:2

• Shulchan Aruch Orach Chayim 30:2 achun Tefillin hi jaan tengle veilou ding ahi akitin ahi.

• Tefillin nakivei sungseh'a tefillin chungchang gel ngai ahi, mun anen holah'a tefillin chu kiveilou ding ahi,(Shulchan Aruch Orach Chayim 37:2) Shema sungse-sea chule amida chanbeh tefillin veiding chu deisah ahi, ahoipen chu ahile Aleinu(taona kichai) chan veiding ahi.

• anikho adinga tefillin vei nailou(avei nading phatneiman mong-mong lou) khat chun ben hashmashot sunga aveithei ahi, Rabbi Ovadia Yosef Halichot Olam vol 1 page 29. tzet hakochavim(ahsi thum aso) jou akonna vang avei thei talou ding ahi. Sh"t Yabia Omer Orach Chayim 7:7:5

• Alot HaShachar(jingkah'a nisa vah akimu apat phat khu kitina ahi) akonna shkiya(nisa lhum jou) chan kivei theiloua aumding le, alot hashachar masanga chu akivei thei ahi, hinla bracha seiloua ding. Igrot Moshe 1:10

• Shema phat apel ding ahia le tefillin jaolou a Shema chu aseiding ahi. Sh"t Yabia Omer Orach Chayim 1:4

• Houinna tefillin nakipuh hai a ahia ahivanga tefillin nagalah leh minyan akivat ding dinmun ahile minyan chu ajao masat ngai ahi chujoule ol a tefillin chu akivei ding ahi, ahiloule achangseh'a taona aman a kavana chu ahiding banga Hattah a anei atao theiding ahile vang minyan achu jaolou tea tefillin joh chu Akilah a taona achanga aman thei ahi. Yalkut Yosef 90:9:12

• Adanga Tefillin chu kivei hih jongle Shema toh Amida beh'a kivei ding ahi. Shulchan Aruch Orach Chayim 25:4

• Tefillin ikivei pet a ilungthim chu athien angai in ahi, tefillin kivei pet a numei chungchang hojong gellou ding ahi, Shulchan Aruch Orach Chayim 38:4 hiche lunggel ho gellou tea aumtheilou khat chun tefillin akivei loua pha ahi, hinla mikhat chu alungthim/alunggel chu athien nadinga pan aha lah ngai ahi. Rema 38:4, Mishna Berurah 38:5

• Tefillin/tallit min hou Inna akidalhah chu aneipa dongloua jah ding phal ahi(shulchan Aruch Orach Chayim 14:4), hiche hi adalha panjong min mitzvah abol ding chu amahlou ding ahi akiti jeh'a ahi, hinla adalha pachun mah inte tia nahetle vang jah loua pha ahi. Chule najah chai tengle nalahdoh namun akonna chu ana kikoi tabang a kituptah a le koi ding ahi.

• Tallit chu tefillin kivei masang kivei ding ahi. Shulchan Aruch Orach Chayim 25:1, halacha brurah 25;7 

• Tallit toh Tefillin chu bag khat a thakhat a koi ding ahialeh, bag aningkhat a tallit koi ding chuleh aning khat a tefillin koi ding ahi Shulchan Aruch Orach Chayim 25:1 a akisut banga tefillin chu tallit chunga koilou ding ahi ajehchu ajole tefillin nahlah doh masat khah ding ahi. Halacha Brurah 25 in hiche chungchanga hitin asun in ahi-alelanga tefillin chunga tallit jong chu koilou ding ahi ajehchu tallit chu anuia nakoi a kijaalou tabang ahi, hiche jeh'a aning-aning(side by side) a koi a pha ahi ahiloule bag chom-chom a apuh a pha ahi 

• Tefillin shel yad khut phang a akivei hochu lhaplhah ding chule keuchong toh khutphang kikah sagi vei kivei chu themkhat lhaplhah ding abanna Tefillin shel rosh chu dinpuma lahdoh ding, tefillin shel rosh chu kantup a abomma koidoh ding, hiche joutengle chun toulhah a tefillin shel yad lhaplhah ding akivat se-se lhaplhah ding chule tefillim bom ma koidoh ding ahi. Sephardic Kitzur Shulchan Aruch Rabbi Raphael Baruch Toledano Siman 10, laws of donning tefillin seif 38

• Ahoipen chu ahile Al ken joua chomkhat jen Tefillin puma Torah kijil ding chu ahi,(Ibid, siman 10 laws of donning tefillin seif 32) Arizal dungjui a Al ken joua lhaplhah thei ahitai, hinla akino val khat chun amapenna Uva letzion a kedusha chan beh Tefillin chu kivei ngai ahi.Shulchan Aruch Orach Chayim 25:14

• Kiryat Torah pettengle Torah chu Aron a akile koilut takah a tefillin lhaplhah lou ding ahi hinla aloutheiloua tefillin chu asutlhah ding angai a ahile alu chu tallit a akhu masat ngai ahi chutengle bouchun Torah muloua Tallit nui achu alu a tefillin chu Akilah doh ding ahi.Sephardic kitzur Shulchan Aruch Rabbi Raphael Baruch of Toledano siman 10, laws of donning tefillin seif 33. Brit milah tengle chapang pa apa, sandak pa chule mohel pan tefillin akibol dan ding minhag ahi. ibid seif 37.

• Koitabanghamkhat chu Torah ajil pet hilou chuleh ataopet jong ahilou hinlah tefillin akiveia ahile, alungchu tefillin chunga aum jing nadinga avel avel a phatchomkhat sehle tefillin chu atohkhah  jing angai in ahi. Shel yad tohkhah masat ji ding chujoule shel rosh ajehchu mitzvah anai pen-pen chu masat sah ngai ahi. Shulchan Aruch Orach Chayim 28:1.

• Toilet a achinadinga tefillin akisutlhah a ahung kile langa tefillin chu akivei kit ding ahile bracha athah seikit angai in ahi. Yalkut Yosef 25:84

• Hinla thildang gangchal a boldinga ahileh akisutlhah a kakivei kit ding ahi Tia lunggel aneilevang, akivei kit tengle bracha asei kit angai poi Sephardic kitzur Shulchan Aruch Rabbi Raphael Baruch of Toledano, Siman 10, laws of donning tefillin seif 21

• Milah a ipot a public bathroom hoa ilut ding ahia ihungpot tengle tefillin kivei ding ahileh Tefillin chu bathroom pam a kikoile min kiguh inte ti dinmun a iumleh, tefillin chu tomtup a ivon a tuhchah ding ahi, hitichu toilet ahiloule bathroom a kipampot hihjongle ilut poua ahileh bol ding ahi. Shulchan Aruch Orach Chayim 43:5. Rabbi Yochanan in Gemara brachot 23A a hitin asei e koitabanghamkhat chun tefillin apampot joua akivei kit ding alut masanga tefillin chu bag a atom thei ahi. Abaye in bag chu tefillin ding mong-mong bag ahia ahileh alhom penna bag chu tefach khat beh ahingai in ahi ati, tefillin ding mong-mong bag ahiloua ahileh bag chu itabep hijongle akhohpoi ati tefillin tomnadinga chu manchah thei ahi ati. Shulchan Aruch Orach Chayim 43:6 Airport ho bathroom mun ahia ahileh Juda dang ho aumle amaho koma a tefillin chu chomkhat dinga akikoi thei ahi aumlouleu vang achunga akisei banga akitomtup a achoilut thei ahi. Shulchan Aruch Orach Chayim 43:6

• Toilet a tefillin kivei puma apampot dinga chithei ahipoi toilet sung bou hilouva toilet apama tefillin kivei puma chiding jong phallou lou ahi. Shulchan Aruch Orach Chayim 43:1 Toilet bathroom akon amot 4 phah masanga tefillin chu kisut ding ahi. Shulchan Aruch Orach Chayim 43:3

• Kidney fail hia urinary Catheter bag mangcha jing khatchun, a bag akonna anam ahungpot loule Tefillin akivei thei ahi (Igrot Moshe Orach Chayim 1:27, Tzitz Eliezer 8:1)

• Chondan dungjui a tefillin chu ikhihsah a ahileh(hetloua hitajongle) an aki ngol jin ahi(Mishna Berurah 40:3), hinla hiche sanga ahoijo chu ahile Tzedakah(charity) pihding ham ahiloule, taanit dibur(Torah toh kisailou ahipoule ema seilouding), ahiloule nikhodang sanga Torah ha jil a jil cheh ding ahi, ahinla Posek khat ipi bol a pha ham tia kidoh a pha ahi. Sh"t Yabia Omer 2:28    Mi in tefillin akhihsah imu a ahile vang an ngol angai poi(Sephardic kitzur Shulchan Aruch Rabbi Raphael Baruch of Toledano) Tefillin ichoi tengle akhao a akichoi ji poi hinla abom(batim) a akituh jin akichoi ji. Shulchan Aruch Orach Chayim 40:1 

• Tefillin a parashiot kigon dan hi Rishonim ho kikah a adih pen hoiche ham tia kihou na aum in. Rabbeinu Tam toh Rashi a kikah a kihouna chu akihepen in ahi Rashi dungjui a tefillin kigon daan a parashiot hochu hiti ahi-Kadesh li(Shemot 13:1-10), vehaya ki(Shemot 13:11-16), Shema(Devarim 6:4-9), Vehaya im(Devarim 11:13-21), Alhaangpia mijousen hiche hi akijui in ahi.(Shulchan Aruch Orach Chayim 34:1). Rabbeinu Tam dungjui a hiti aum in ahi:-Kadesh li(Shemot 13:1-10), vehaya ki(Shemot 13:11-16),Vehaya im(Devarim 11:13-21), Shema(Devarim 6:4-9), RAMBAM injong Rabbeinu Tam in aseipa ana chipi in ahi hinla Rav Hai's toh Rashi thusei akibah ahetphat chun RAMBAM injong Rashi achipi in ahi. Sh"t HaRAMBAM siman 7 

• Tefillin parashiot kigon dan a kiniel kal na aum in akichipi pen chu RASHI in ahingontuh pen chu akichipi in ahi hinla RASHI toh Rabbeinu Tam kikah a kiniel kal na aum jeh'a ani honna chipi thei nadinga Shulchan Aruch Orach Chayim 34:2 a HaShem ginna nei khat chun Rabbeinu Tam tefillin toh Rashi Tefillin ani a akivei ding deisah ahi ati akivei tengle alungthim a hiti asei ngai ahi "RASHI in asei pa adih'a ahileh ama achu kakivei tengle tefillin mitzvah suhbulhit a ikisim hen chule Rabbeinu Tam tefillin chu savun khao mei-mei kaki vei a kisim hen chuleh Rabbeinu Tam in asei pa adih'a ahileh ama achu kakivei tengle tefillin mitzvah suhbulhit a ikisim hen chule RASHI tefillin chu savun khao mei-mei kaki vei a kisim hen" hiche hi bal tosif(Torah akonna hapbe ahiloule lahdoh bollou ding kiti, Devarim 13:1) palkeh lou nading a ahi. Yabia Omer vol 9. Orach Chayim 108:21

• Rabbeinu Tam tefillin koi-koi in akivei thei ham masanga adihtah'a chu Rashi toh Rabbeinu Tam tefillin ani a hou ngailu ho bouvin ana kivei jiuvin ahi. Hinla tukhanga vang tefillin ani a houlampang itabang dinmun a kium jongle akivei thei chan in akivei jin ahi Yalkut Yosef Orach Chayim 34:3. Alhangpia jinei nailou hon akivei loua pha ahi, hinla alungthim uva thienthouna lampang bou agel thei uva ahile vang jinei nailou hon jong akivei thei ahi.Halacha Brurah 34:2. Chafetz Chayim in juda khat chun Rabbeinu Tam tefillin ahinkho sunga khatvei beh akivei ngai ahi ati (Meir Oz. Tefillin page 381)

• Rabbeinu Tam tefillin iti kivei ding ham Shulchan Aruch Orach Chayim 34:2 dungjui a Rabbeinu Tam tefillin kivei nah'a bracha akisei ji poi hinla shel yad toh shel rosh kivei kikah'a paolou ding ahi,Baruch hu ubaruch shemo jong donbut thei lou ahi. Rashi tefillin toh Rabbeinu Tam Tefillin ahung kibahlouna chu ahileh Rabbeinu Tam tefillin shel yad toh shel rosh ikivei akikah'a khu kaddish a amen donbut thei ahi, kedusha toh brachot hoa jong dunbut thei ahi, Sh"t Yabia Omer 3:3. Khenkhat in Kedusha ho donbut thei ahipoi atiuvin ahi hiche jeh'a kiniel nah'a konna kikangse nadinga Amida repetition(Chazarat haShatz) tengle kiveiloua pha ahi . Yalkut Yosef Orach Chayim 43:7 abanna koitabanghamkhat chun Rabbeinu Tam tefillin chunga bracha ana seikha taleh Rabbeinu Tam tefillin chu akoidoh'a Rashi tefillin akivei ngai ahi. khenkhat in Rashi tefillin a nakikhel dingle bracha athah beh'a nasei angai e atiuvin ahi(Ben Ish Chai vayera 24) hinla adangin bracha nasei joua Rabbeinu Tam toh Rashi tefillin nakhel kikah'a thildang nasei doh khah a ahileh bou thah sei ngai ahe atiuvin ahi. Yalkut Yosef Orach Chayim 34:11

• Alhangpia, Shakharit pet a ashrei ahiloule Uva letzion  masanga Rabbeinu Tam Tefillin akivei jin ahi(Yabia Omer v.9 Orach Chayim 108:21). Rosh Chodesh phat tengle vang kiryat Torah(Torah akisim masang)akonnin akivei jin ahi, berikh sheme pet hijongle shema toh vehaya akiseijin akivei jin ahi.mussaf joua akiveilou a pha ahi angainah'a Torah jilnadinga akivei ji hitajongle. Hinlah khazan ham/sheliach tzibbur ham ahia akiveinading phat anei man lou ham ahiloule siddur asim ol jeh'a minyan in shema simnah'a adalhah man ding ahialeh ol a akivei thei ahi.hinla shakharit masanga nakivei thei poi tina jong aumdehpoi. Yalkut Yosef Orach Chayim 34:17

• khenkhat in Purim nikhotengle megillah akisim pet teng Rabbeinu Tam tefillin akivei jiuvin ahi hinla hiche joutengjongle veithei ahi. Yalkut Yosef Orach Chayim 34:17

• Rabbeinu Tam Tefillin kivei a Shema iseipet a  mi ijat tah khat ham ahiloule ikichat khat ham chu donbut thei ahi. chule Kaddish toh kedusha toh bracha ho chunga Amen donbut thei ahi. Yalkut Yosef Orach Chayim 34:14,15

• Yabia Omer vol.9 Orach Chayim 108:21, thakhat a kivei sanga abanjom a kivei a pha ahi. koitabanghamkhat chun thakhat a kivei tajongle a box toh a khao chu khatle khatchunga koilou apha ahi hinla khatle khatchunga umtajongle akhoh na umpoi. ibid 108:26. iban a ani a veikop nadinga mun ong tahihle khat akivei masat a akivei joutengle khatpa chu akivei a pha ahi. ibid 108:21. Rashi toh Rabbeinu Tam tefillin chu bag khat a thakhat a koilou ding ahi, bag chom chom a koi ding ahi Shulchan Aruch Orach Chayim 34:4

• Pasal kum 13 akon achunglam se-se in Tefillin akivei ding thupeh ahi. Rambam Sefer Hamitzvot ase 12 and 13, Sefer Hachinuch 421. Chapang jong atahsa athieng a akikoi thei a chule Tefillin thienthou dan aja thei ahialeh Bar mitzvah masanga akivei pan thei ahitai (Yabia Omer Orach Chayim 6:3, Shulchan Aruch Orach Chayim 37:3).

•  Chapang kum 9-10 chan ho Tefillin kiveisah lou ding ahi ajehchu atahsa asuhthieng uva Tefillin chu ahiding dol a ajen theiloudeu ahi. Tefillin mitzvah hi phat toh kisai(shehazman Grama) ahijeh'a numei hodinga tefillin kivei ding thupeh ahipoi, Targum Yonatan ben Uziel in Devarim 22:5 a akisei tabanga koi hileh numei tefillin kivei chu lo yehiye kli gever al isha(pasal von chu numei hon kivon theilou ahi) palkeh ahi atin ahi. Von(shirt) kivonlou khat chu tefillin kivei ding phallou ahi(Kitzur Shulchan Aruch Rabbi Raphael Baruch of Toledano siman 10, who is obligated and who is exempt from tefillin, seif 5). 

• Mithi puldou khat chu shiva ni masa ni in tefillin akivei ji poi(Shulchan Aruch Yore Deah 388). Kidney fail hia urinary Catheter bag mangcha jing khatchun, a bag akonna anam ahungpot loule Tefillin akivei thei ahi (Igrot Moshe Orach Chayim 1:27, Tzitz Eliezer 8:1)

• 
  

• Shakharit a tefillin kivei chungchang isei chai tauvin tua phat dangle Nikho danga kivei chungchang ve uhite

•  Biur Halacha 37, eiho chondan chu ahile minkha tengle tefillin akivei ji poi, hou ngailu abanghon vang Rabbeinu Tam tefillin toh Shimusha Rabba tefillin minkha teng le akivei jiuvin ahi.

• Shabbat toh Yom tov-Shabbat nikho ho toh kutpi(Pesach, Shavuot, Rosh HaShana, Yom kippur, sukkot)ho in tefillin akivei jipoi ajehchu tefillin hi HaShem toh Amite kikah a "melchihnah"a pang ahi, hitamabanga chu achunga akisei nikho hojong "melchihnah" a apan jeh'a hiche nikho hotengle tefillin chu kivei jilou ahi. Shulchan Aruch Orach Chayim 31:1

• Rosh Chodesh -Rosh Chodesh Mussaf masangin tefillin akisutlha jin ahi(shulchan aruch Orach Chayim 25:13). khenkhat in mussaf masanga uva letzion kisei chai a kaddish joua lahdoh ding ahi ati(Kitzur Shulchan Aruch Rabbi Raphael Baruch of Toledano Siman 10, laws of donning tefillin) khenkhat in "uva letzion" kisimpet "yehi ratzon" kisei masanga sutding ahi atiuvin ahi(Mishna Berurah 25:59). khenkhat in Torah sim masanga lahdoh pha ahi ati khenkhat in Torah koilut jou a sut ding ahi ati(Levush 423:4 & Rema mipano 108). koitabanghamkhat chun tefillin akisut haia mussaf amida a angel doh a ahileh tefillin chu akisut lhah angaitapoi(chesed lelafim 25:13, Mishna Berurah 25:61). Sacharit a Ya'ale Veyavo asim hai a tefillin akisut joua angeldoh pan ahialeh tefillin chu akivei kit a sacharit amida chu ale man kit ngai ahi. hitichu  abolding Ahahsat val ahileh daan akhoulou ajui thei ahi(tefillin chu avel a kivei loua amida chu aman kit thei ahi), ajehchu tefillin kivei ding mitzvah akisuhbulhit sa ahi(Sh"t Yechave Daat 6:6).

• Tefillin kiki veisa hitajongle purim nikho a megillah simpet a tefillin kiveiding chu deisah ahi(Mishna Berurah 693:6)

Tisha Be'Av

Sacharit -Khenkhat in chondan a 9 Av tengle jingkah sacharit a tefillin akiveiji pouvin minkha tengle bou akivei jiuvin ahi(Shulchan Aruch Orach Chayim 555:1). hiche chondan ajuihochun khazan pa/shaliach tzibbur pa Torah service a apan dijongle akivei sah ji pouvin ahi.Sephardi khenkhat in Sacharit a tefillin akivei jiuvin Kinot sim dikonle akilahdoh jiuvin ahi hiti abol lou hochun inna jong Sacharit kikhop masanga akivei thei uahi. Or Letzion 3:29:22. Rabbeinu Tam tefillin akivei jing hon jong, achunga kisei banga chu abol deu ahi.Halichot Olam 2 page 158, Yechave Daat 2:16 & 6:2

Mincha-Tisha Be'Av nikho tengle Tallit toh tefillin ani a Mincha in akivei ji in ahi(Shulchan Aruch Orach Chayim 555:1)

Chol Hamoed

1. Diaspora a um Askenazi ho khenkhat chondan a Chol Hamoed in tefillin akivei jiuvin ahi(Shulchan Aruch Orach Chayim Rema 31:2), hinla agam(Israel) sunga umho chuleh Sephardi te minhag chu ahileh Chol Hamoed in tefillin akivei jipoi(Sh"t Yabia Omer 3:5(3)

2. Askenazi hia aliyah abol khat chun agam(Israel) a chondan chu ajui a chol Hamoed tengle tefillin akivei louding ahi, akivei nom ahijongle hou inna hiloua inna akivei ding ahi, Askenazi chol hamoed pet a Israel chi a diaspora a kile kit ding ahile amaho chun achondan bang uva Tefillim chu chol hamoed ajong akivei deu ahi.(Hilchot Chag be Chag p.42)

Aveilut

Shiva ni masa ni(athi ni ma2 a akivui) ahileh, avel(apuldou a pang) se-se chun tefillin akivei louding ahi, ajehchu ani masa ni chu kha dihset ji ahi. Shulchan Aruch Yore Deah 388.poskim khenkhat in athini nikho ma-ma a kivui lou ahile, apuldou ding pen chun tefillin akivei thei ahi atiuvin ahi khenkhat in phal ahipoi atiuvin ahi, hiche jeh'a koitabanghamkhat chun akivei ding ahijongle room sunga mihetlounah'a bracha bei a akivei a pha ahi(Yabia Omer Vol.2 Yore Deah Siman 27)

(Shiva ni masa ni ma-ma a akivui ahileh) Avel hon tefillin chu Shiva nikho ani channa akonna netz(nisa aso) akonna kivei thei ahi- Shulchan Aruch Yore Deah 388

Aveilut(puldou nah nikho) sungse-se in chondan a Rabbeinu Tam tefillin akivei ji in ahi.(Halacha Brurah 38:5:13 & Chazon Ovadia Avelut v.2 pg.277)