Choresh (Loukhoi) kiti jonghi 39 Av Melachot lah'a dia khat ahi e(Mishna sung Masechet Shabbat 73a). abangleh Av Melachot ho lah'a dia anichan na in akisim ji in. (akhatna a apan najong aum e, tichu koi listing order (gollhah dan) ijui am tia kingam ahitai). Hiche akigol dan hop masapen pa chu Siddura Depat (changlhah semdan gollhahna) tin akihet in ahi(Mishna in 73b na achun anichan na in ajaosah in, ahin Rambam in (Shabbat 7:1) na achun vang akigolsuhna holah achun akhatnan apan sah e).
Choresh(Loukhoi) kiti chu leiset toh kisai a natoh jouse tichu, thiltu nathei dinga leiset semtohna toh kisam kai jouse ahop ahi(39 Melachos (Rabbi Ribiat, vol 2, pg 251.)).
Loukhoi in ahopjeh a boldia kiphallou natoh hochu ahileh, Lei kohom sem, leiset suhnouna(softening) chuleh thiltu nadia leiset suhcham hochu ahiuve(Kalkelet Shabbat 2.).
Torah in Loukhoi aphallou na natoh akon ahung bahjam (Toladot) hon ahop hochu ahileh, loulai dunga kon a song ham ling (thorn) hamkhat ga lahdoh jongchu ahoptha ahi. Chujongle, loulai a leiset hoina ding thil the chule leiset anem nadia tui chap jong chu ahoptha e(Rambam Shabbat 8:1 ).
Loulai chu suhcham nadia aloulai sunga leilhang ham songtum hoham chu galah doh ding phal ahipon, chuna ban a aleiset suhcham nadia ahomlai gadip jong phal ahipoi(Mishna Brurah (Intro to 337)).
Mun neochakhat gah khoi (plowing) jeng jong phal ahipoi(Rambam Shabbat 8:1, Mishna Brurah (Intro to 337). Ajehchu kotong neocha jeng jongchu muchi neochakhat tunathei ahin ahi(39 Melachos (Rabbi Ribiat, vol 2, pg 252).
1. Shabbat nileh Leiset chunga tui chap ding akiphal pon ahi.[Halacha lama thepna nei khenkhat ho seidan in hiche ahung kiphallou najeh hi Choresh(Loukhoi) toh akisamkai najeh ahi atiuve. Ajehchu hiche tui kichap chun aleiset asuhhoi ahi e. Ahin khenkhat hon vang Zoreha (Thiltu/muchitu) in ahop jeh a kiphallou ahi tin jong aseikit u've](39 Melachos (Rabbi Ribiat, vol 2, pg 254))
2. Acidic liquid holeh caustic liquid ho hin hamhing hodia phatchomna apehbe lou'u ahi jeh in, hampa lei ho chunga vinegar ahiloule alcohol ho jong sunlhah phal ahi e(39 Melachos (Rabbi Ribiat, vol 2, pg 268)).
3. Chuma banga chu mikhat chu ajun asoval leh Shabbat nia jong hampa ho chunga ajun athah thei ahi tin halacha lama thepna nei phabep in phalna ape uvin ahi(39 Melachos (Rabbi Ribiat, vol 2, pg 268)).
4. Gampheng khat a kon songtum, thingtum ahiloule songchang ho chu lahdoh a paidoh ding phal ahipoi. Ajehchu hiche chu Mesakeil (Choresh bahjam khat) ahin, hiche chun aleiset chu thiltu nadia asem hoi cheh thei ahi(39 Melachos (Rabbi Ribiat, vol 2, pg 255)).
5. Gampheng khat chu ga suhcham ding akiphal poi. Ajehchu hiche kibol chun agam leiset chu agasoh hoina ding leh aleiset vethoi nadinga jong pan alah ahijeh chun phal ahipon ahi(39 Melachos (Rabbi Ribiat, vol 2, pg 255)).
6. Hiche toh kisai dia Rabbi tehon aphallou uchu ahileh, loulai a ikengkoh a nen (leiset hamkhat) hochu tatlhah/jutlhah (wipe out) dingchu ahi e (ajehchu nakengkoh sunga anen hochun lei atong laikhat adip khah thei ahi e). Inkom-invel chu Tile kipha hijeng jongle hiche phallou hin atongkha thou thou e. Ahinvang innsung ahileh vang aboipoi (Alhong/atol chu leiset ahilou phot le).Khenkhat in asei dan achu ahileh, innsung lhongchu leiset ahia ahileh bou mikhat chun akengkoh ham akeng ham a nen hochu asuh theng ding phal ahipoi ti ahi'in, ahinvang bang (wall) ham ahiloule tol akipha jol (tiles hamkhat kipha) ahileh vang phal ahi atiuve (S”A 302:6, 337:2, B”HL Ibid. “VeYesh” Chazon Ovadia shabbat 4 pg. 54- Hiche kikhigahna ahung kisem lona jeh hi ahileh, mikhat touchun Shabbat nikho ahi ana haimil tahenlang, akenga bon ham leiset ham mat hochu lhong achun hin tat/jut lha taleh aleiset chu asuhcham thei dinmun a aum jeh ahi.).
7. Mikhat chun achilset na chungchu akenga ajut ding phal ahipon, ahinlah achotpha thoding vang ahithei in ahi(S”A 316:11, 39 Melachos (Rabbi Ribiat, vol 2, pg 255) Chazon Ovadia Shabbat Vol. 4, Hilchot Choresh, Halacha).
8. Gamgo neldi-gam khat gahkhoi (plowed) ham ahiloule laibot ding ham chu anigel in Choresh in ahoptha pon, chumabanga kemcha noiham ahiloule tolchin a thingpeh kidona noiho (muchi kitu thei lou naho) jeng jong gaKhoi (plowed) ding chu Choresh dan in akankha pon ahi. Hijongle Boneh (Inn-sah ) dan in atongkha thou thou in ahi(39 Melachos (Rabbi Ribiat, vol 2, pg 254)).
9. Loulai khat thehding phallou ahibanga chu mikhat chun a innvel-innmai hochu Tile kipha hijeng jongle atheh ding phal ahipoi. Ahinlah innsung lhongchu thil kiphakhum jat (flooring ) ahia, hiche khosunga inn atamjo jong chu tol (leiset) inn a Cheng hilouva alhong houchu akiphakhum ngen (Flooring) ahileh vang phal ahi e(Shulchan Aruch O.C. 337:2, Kitzur Shulchan Aruch 80:73, Mishna Brurah 337:14, Sefer Hilchot Shabbat (vol 2 pg 51, Choresh note 115, by Rabbi Eider)in the name of Rabbi Moshe Feinstein), 39 Melachos (Rabbi Ribiat, vol 2, pg 256-7). See Chazon Ovadia (Shabbat v. 4, pp. 54-57 )).
10. Mikhat chun gama keh muntheh hokhu shabbat nileh jahda hen ajehchu akung hochu hung bongthei ahi e(Rama O.C. 337:2. Birkei Yosef 337:1).
11. Chuleh mikhat chun a innsung lhongchu akiphajol (paved) tho hijeng jongle Shabbat nileh sop dahen. Ahinlah alhong behkhat chu hung nen taleh vang, tui achap khum a tui jutthengna (squeege) hoa khu atuichu ajut doh thei ahi. Hiche Tui jutthengna chun Sechitah (ganthana) toh kisai imacha boina aneilou angai in ahi(Chazon Ovadia (Shabbat v. 4 p. 49)).
12. Poskim tampin Shabbat nia Carpet jutthengna (Carpet Sweeper) hokhu manding aphal pouve(Dor Hamelaktim v. 2 p. 1192 quoting Chelkat Yakov 160:3, Yesodei Yeshurun (39 Melachos v. 1 p. 161), Rav Moshe Feinstein (cited by Mechzeh Eliyahu 44), Rav Yakov Kamenetsky (Emet Lyakov 339), Beer Moshe 1:32, Minchat Yitzchak 3:50:5, 5:39,leh adang hon Shabbat nia Carpet Sweeper manding aphal pouve.).
13. Shabbat nia leitol (tol hiya leiset hi; thildang kiphalou) chunga marble kichep ding phal ahipoi ajehchu aleiset chu hung joldoh (smooth) khathei ahi e. Poskim tampin vang lhong akiphatho (thingpeh, cement, carpet) ho chunga vang kichep thei ahinai atiuvin, adang honvang akiphatho jouse chunga Jong aphal pouvin ahi. Hijeng jongle poskim jousen vang table chung ham ahiloule lhong chunga kipha ji pheh (floor mat) lentah ho chunga marble kichep ding vang phalna apesoh kei u've(39 Melachos (Rabbi Ribiat, vol 2 pg 259) Rav Ovadia Yosef in (Chazon Ovadia Shabbat Vol.4, Hilchot Choresh Halacha 7) achun, toltheh chungchang tabang chun Sefardim hodin Leitol (atol chu leiset hilou) ahilou photle marble a kichep ding aphal e.)
14. Leitol a Ludo chang hoa kichepding phallou ahin ahi ajehchu hichun aleisetchu asuh-nam (asuhjol) khah thei ahijeh ahi. Hiche kiphallou nahin lhong akiphatho (floored) ho chunga Jong ahoptha ahin, ahinlah Table chung hovang ahoptha poi.(S”A 338:5, Mishna Brurah 338:20, Kalkelet Shabbat 2)
15. Mikhat chu leitol chunga pehlum/ball (soccer) akichep lou ding angai e Practical Halachos of Shabbos (pg 21) in Mishna Brurah 308:158 akon apansatna puma asei dungjui a chu, mikhatchun tol lhanga ball kichepda hen. Ajehchu, injou khat le atol chu hin sucham khante atijeh ahi.)
16. Jacks (thil lum khat toh thingbah banga kika ka-gup nei kichepna jat khat) toh Kugelach (het thei pen dia masang a chapang ho songchang neocha cha phabep alah uva ana kichep jiu tabang khu ahe) avang khu akichepna teni khu tichu achang ham ahiloule akichepna thilkeu khu kilih lele sah ding aumlou jeh in hoilai mun hijongle kichep ding phal ahi e(39 Melachos (Rabbi Ribiat, vol 2, pg 259))
17. Neldi agothet lah gah laitong chun Choresh dan toh kisamkai imacha atongkha pon ahi (ahinvang Muktze toh kisai a vang phallou ahikit e). Achuti jeh a chu mikhat chun chutabang neldi chunga chu chair hamkhat akai le nachun akikaina nung chu um tajongle phal ahin ahi(39 Melachos (Rabbi Ribiat, vol 2, pg 252)).
18. Neldi adijet, agoset hoa chu chapang ho akichep diu phal ahin ahi. Chujongle hiche'a jah dingchun (atekahnan Sandbox sunga chapang kichepna dia neldi kikoi tabangkhun) Shabbat kipat masang le gontohsan kikoi tahen. Ahinvang, mikhat chun Shabbat nikholeh neldi chung chu twi asunkhum lou ding ahi (Shemirat Shabbat KeHilchata 16:4, Children in Halacha (Rabbi Simcha Bunim, pg 137-8), 39 Melachos (Rabbi Ribiat, vol 2, pg 253))
19. Mikhat chun Shabbat nileh Neldi anou-chipchep le neldi akilham lhalou (akimat jeh a alhang lhanga um) ho chung chu alai tong louding ahi. Chuti ahijeh chun, Sandbox sunga kikoi neldi hochu twi toh akitoh khah jeh in ana nou-chipchep tahen ahilou jongle go in ajuhkhum jouva bangkhun alhang lhang kimat soh tale vangchu, mikhat chun hiche sandbox a chu chapang khat akichepsah thei lou ding ahitai(39 Melachos (Rabbi Ribiat, vol 2, pg 254)).
20. Neldi lah a Twi gah sunlhah chun Losh (Changbong meh) Melacha apalkeh in ahi((39 Melachos (Rabbi Ribiat, vol 2, pg 254).
21. Nalunggel a chu kotong khat umna dia nabol ahilou poule leitol chunga chu Chair ham, lupna ham ahiloule Bench ham khatchu nakai thei ahinai. Ahinlah Bench le Table gihtah khatchu itijongle nakai kalse lei asuh tong ding ahitah levangchu, hitabang hochu tile kiphana invel hongsung (courtyard) ho jenga jong kai le ding phallou ahi e (Inn sung ahileh vang phal ahinai)(Shulchan Aruch O.C. 337:1, Mishna Brurah 337:4, Beiur Halacha s.v. VeYesh).
22. Leitol chunga Carriage (Sakol kangtalai jat khat), Stroller (Naosen kisotna), le wheel chair ho kai thei ahi e. Ajeh chu, akang hochun leiset asubot (suhtong) pouvin hinlah, asuhchah (aleiset asuhchah jeh a hung nemlha) tho maimai ahi e(Practical Halachos of Shabbat (pg 21) quoting Hilchos Shabbos by Rabbi Shimon Eider (pg 43 par 8))
23. Carriage ho akisot lele thei na ajeh dang ho chu ahileh, leiset chunga atong (aleiset asuhchah jeh a hung tonglha)ahung umdoh hochu aum ding mong a lunggel neipum a kibol ahipon, atong hochu aki phat chom pi dehpon, chujongle atong hochu alamchom beh a kisutong kha ahibouve(Shemirat Shabbat KeHilchata 28:48, Sh”t Yechave Daat 2:52).
24. Leinem chunga vale phal ahi e ajehchu hichun aleisetchu achotchah tho in aleiset chu asuhkang tho poi(39 Melachos (Rabbi Ribiat, vol 2, pg 258)).
25. Leinem chunga Carriage ho sot lele thei ahi. Ajeh chu hichun aleiset chu asuhchah (compressing) tho in akikan (loosening ) sah poi(39 Melachos (Rabbi Ribiat, vol 2, pg 258)).
26. Sukkah sunga lei chu nem henlang chair a natou le akeng lhumlut di hita jongle natou ding akiphal e(39 Melachos (Rabbi Ribiat, vol 2, pg 259)).
27. Leiset thengset (thildang toh kihal lou) chung jenga jong kengkoh tosang ho kibu phal ahinai. Ahin, deisah vang chu hitabang leiset chunga ol chacha lamjot dichu ahi e(39 Melachos (Rabbi Ribiat, vol 2, page 258), Rabbi Eli Mansour on dailyhalacha.com).
28. Hilchetna (commentaries) atamjon Loukhoi hi muchi khan nadinga ngaicha ahi in, hiche muchi hoa kon chu Mishkan a manding rong ho kisemdoh ji ahi e atiuve(Rashi 73a s”v HaOfeh. For another opinion, see the introduction to Eglei Tal s”k 1.).
29. Amaho kikah injong Av Melacha (anatoh lah a apipen) avet doh dan uh chungchanga kinelna aum in, abang in Av Melacha chun Loukhoi bouseh ahop e atiuve(Meiri 73b s”v HaChoresh). Ahinlah, khenkhat in vang lei akilai tonna (digging) jouse(Orchos Shabbos 28 note 68, in Rashi Beitzah 23b s”v Mipnei Sh’Koveshes dungjui in anelkal in, Stroller akang hokhun leiset akhot tong pon, asuhchah joh ahijeh in phal ahi ati e. Ahinlah, Orchos Shabbos in Muchi tuna dia lei kisuchah vang Choresh dan noiyin akiphal poi ati e. Hiche teni kikah a muchi tuna ding lunggel a neitha le neitha lou chungchang akikheh na vang keimu dan in akicheh poi.) achun Av Melacha anatpha sohkei in ahi atiuve(Rambam Hilchos Shabbos 7:2, Ritva 73b s”v HaChofer).
30. Gam-le-leiset semhoina toh kisai jouse chu aleiset tah semphatna ding lunggel neipum a(Shabbos 73b) kibol ahia ahileh Tolada (anatoh apipen akon abamjam) apalkeh in ahi(Shabbos 103a (and see the Meiri there s”v HaMenachesh), Yerushalmi Shabbos 7:2, Rambam Hilchos Shabbos 8:1 and the Mishna Brurah’s introduction to Orach Chaim 337.) tin mijouse anomsoh kei u've. Vetsahna khat in ahop chu ahileh, leiset hoina dia lou kap⁴⁵ toh muchi hoina dia hampa ho bodoh hochu ahi e(The Yerushalmi Shabbos 7:2 in m’zavel (leihoi nadia loukap) chu Choresh toh kisai a vetsahnan ape e.).
Halacha lam a thepna neiho kikah in kinelna aum in, akinel nauchu ahileh, Choresh Malacha hin hamhing kethei nadia aleiset semhoi-suhhoi bou ahop ham oleh leiset phot phot semhoi jeng chu Choresh in ahop ham tichu ahi e(The Ohr Zarua 55, citing Pesachim 47b, in anelkal in aleiset chu hamhing kenathei ahingai e tin asei e.).
Chubanga chu khat aum kit in, muchi tuna ding hilouva leiset semhoi chun Choresh atongkha dem tichu kinelna ahikit e(The Meiri, Mishnah 73a sunga angaidan asep in chuleh Pnei Yehoshua Shabbos 73b s”v Michdi in anelkal in Choresh chu muchitu nading toh kisai ahingai e ati e.).
Hiche chungchon a Shabbat nikho a gancha mangcha a Loukhoi chu kichehsel a phallou ahima banga, hilchetnaho kikah in Jong hiche chun Choresh apalkeh mong dem tin kinopto louna aum kit in ahi(The Rambam in Hilchos Shabbos 20:2 achun asei in gancha mangcha a Loukhoi khatchun hiche dan hi apalkeh e: "Lo Sa’aseh Kol Melacha Ata U-Behemtecha.").
Ajeh ajal ho jouse ahung kisuhto akon a kimudoh chu ahileh, mikhatchun Shabbat nia Stroller (Naosen sot lele na) asot lele jongle Choresh danpa apalkeh poi tichu akimu in ahi(Shemiras Shabbos Kehilchasa (new edition) 28:48. See also Chut Shani volume 1 on Hilchos Shabbos, page 74).