Shabbat ve'Havdala

Siman 248 - Shabbat masanga kholjin 

1. Erev Shabbat nikho jongleh Mitzvah ding ahileh Kong a touva kholla potding phal ahi. Shabbat ahung lhun teng cholngah diu, itiham khatna achol ngah lou uva ahijongleh asetna aumdehpoi. Vetsahnan Israel gam jonna chego. Hinlah Reshut (Mitzvah hilou) khat a dinga nache ahile vang Shabbat ni masang nithum (Yom Khamishi kipat akon) sung a pot ding phal ahipoi(*20).

2. Shabbat masang ni thum sung se Kong a potlou ding kiti chu ajeh Bitul Oneg Shabbat - Shabbat ahidi dol tah a nomma amanthei loudi jeh ahi(*21). Ijeh inam itileh nima sa ho thum sese sunga chu jukham banga long lele ding ahi ijeh inam itileh ijeh inam itileh kong ki nong lele chuleh twipi kinong chun luchang nat leh lohso asosah nommin ahi. Hijeh chun Erev Shabbat a ache ding mutar ahi, ijeh inam itileh Mitzvah khatna kisuboi chu mitzvah danga kon ongtholla kisim ahi. Hichanna iseiyu hi twi al na (tuipi ho) thu a kisei ahi. Hinlah vadung ho a kong a kitol vang akitol ho dinga genthei nading imacha aumpoi hijeh chun Erev Shabbat jenga jong kong a akitol ding phal ahi hinlah kong chu twi thuhna munna kitol hinam ti akichih thei angaiyin ahi. Chuti leh tuito akon akong kikah a chu tefach (Tuh) 10 beh umding angaiyin ahi ajeh chu Tefach  10 chunga Issur Techumin(shabbat ni a kho pi polam tong 2000 val potdoh ding phal ahipoi kiti dan) aumpoi. Hinlah Tefach 10 sanga lhomjo bou um ahi ti ahet chetna ahile vang hiche tui chunga konga akitolding phal ahitapoi ajehchu Issur Techumin jeh ahitai. Iti hamkhatnin khatchun akitolna chu Tefach 10 sangin atamjo dem ahilouleh alhomjo dem ti ahet chen louva ahilevang hiche kong chunga akitol ding chu phal hiding ahi ajehchu Safek Derabanan LeKula  - Issur Derabanan ho chunga Safek/het chetlouna aumleh abai lang langin akiche pi in ahi. (*22)

3. Erev Shabbat nikho jenga jong konga kitol dinga kiphal na munna chu - vetsahnan Vadung ahilouleh Mitzvah a dinga, Erev Shabbat a kong a achu alut panna ahileh atouna mun ding akichan angaiyin ahi - akichan nadinga chu atouna munna Bein Hashmashot nisalhum akon ahsi thumso tokah sungse atoungai ahi. Hiti chu Shabbat sung se a Mutar ahi hinlah atouna mun akichan jouva kon konga kon potdoh talou ding ahi.(*23)

4. Shabbat nikho a konga hung kitol khat chu kong kai mun alhun tah leh ahung kumlhah dinga kiphallin ahi. Hinlah iti ham khatna kong chu akingah gamlhat jeh a kong neo ho a tuipang chan kitol ding ahileu kong neova chu atamjo gentile ahi leu kong neo a chu tuipang chan hung kitol ding phal ahi hinlah athil le lo ho aman akichoi le louding gentile khat anganse a alhoh sah ding Shabbat jouteng alhohman apeh dinga akihoupi ding ahi.(*24)

5. Nelgam a cheding khatchu Shabbat in hinlap tahen lang hileh hinkho huhdoh nathei ding jalla Shabbat apalkeh tei tei ngaiding dinmun hitahen ajeh chu Shabbat ni jeh a akichol do leh akilhonpi hon adalhah ding chuleh Shabbat nikho a Issur techumin ahin palkeh khah ding dinmun hijongleh Yom Rishon, Sheni chuleh Shelishi a apotdoh diu akiphallin ahi. Hiche ouva kon vang akiphal tapoi. Hiti chu Shabbat nikho a thile hin kikah dinmun khat in umjeng jongleh apoimo todungjuiya Shabbat nikho chu apalkeh thei diu ahi ijeh inam itileh Pikuakh Nefesh - hinkho chan nathei ding dinmun aumleh imacha in akhah tang thei poi. Israel gam hinjong ding khatchu Erev Shabbat nikho hijeng jongleh Mitzvah dinga ahijeh in ahung kipatdoh pi khomding mutar ahi. Ahithei dinga ahileh Shabbat nikho sungse akicholpa thei ding leu kicholpa ding hinlah akilhonpi ho anop louleu chejom jeng ding ahi ajeh chu Issur Techumin aumjeng vangin Pikuakh Nefesh dinmun ahijeh a kiphal ahi. Shabbat nikho in khopi khat jot pa taohen lang khopi sung chu shabbat sunga ajotchai diu hijongleh, Khopamma kon ahin jotlut di hijeng jongleh Mutar ahi ahiejh chu Mitzvah ding jalla hung kipatdoh ahi. Hijeh chun  khokim vella ache nathei ding tong 2000 aneiyin ahi.(*25)

6. Train kho khat leh khokhat kikah a lhai ho Erev Shabbat ni a kipatdoh ding chuleh Motzei Shabbat ahilouleh Yom Rishon nikho a lhungding hitahen Issur techumin jeh a Erev Shabbat nikho a akipatodh ding phal ahipoi. Adeh a Shabbat ni a chu 12 mil(12km lhingdehchet) ajotdoh ding ahideh deh a ahileh Issur DeOraita aumin ahi. Train tolpa chu Gentile hihen lang asunga tou jouse jong Gentile hijongleh Assur ahi.(*26)

7. Electric train ho khosung seh seh a kitol a atolpa leh asunga tou atamjo Gentile ahiuva hiche train chu station jouse a kikhampa ji ji hijongleh Train touman ho peh nading card ho apohlele angaichat jeh in phal ahipoi hijeng jongleh atouman ding chu Shabbat lut masangin kipehdoh henlang sumdong pan jong ahetmi ahijeh a sum alahpeh lou don jong adonlou ding hitaleh, Mitzvah a dinga kipandoh ahileh vetsahnan, Doctor ahijeh a Hospital a aumtei tei ngai, Mohel hiya aphatcha a chep tan ding aga lap ngai dinmun ahi a, kenga chedi hileh acheda joh ding dinmun ahileh adan dungjui chetna chu Mutar hiding ahi hnlah ahithei channin mi mulou nan bolhen.(*27)