Lechem nehmasanga Netilat yadayim(khutsop) bolding kiti mitzvah hi derabbanan(Rabbi te akon)mitzvah ahi. Hiche hi truma(Kohente nehdinga thilto) mitzvah akon hung kiladoh ahi, Rabbi ho in Kohente in trumah chu asuhbuoh lou nadinga, trumah aneh masanga akhut asopji bang uva chu, eihon Jong lechem nehmasanga khutsop ding tia ahin gon uahi. Netilat Yadayim hi lhagao langle tahsa lampanga thienthouna ahi. Mishna Berurah 158:1
1. Lechem nehmasanga khutsop ding mitzvah hin numei le pasal ani in ahoptha in ahi(Yalkut Yosef Dinei netilat Yadayim siman 158:3). khutchu nen henlang nen hihjongle lechem nehmasanga khutsop ngai ahi(ibid 158:2).
2. Chate jong Lechem nehmasanga khutsop ji hilngai ahi(Yalkut Yosef Dinei netilat Yadayim)
3. khut isop tengle lechem nehnadinga kakhut kasuhthieng ahi tia lunggel nei ngai ahi,Shulchan Aruch 159:13. lunggel a nanei loukhah ahijongle vel sop kit angai poi. Mishna Berurah 159:75
Twisamput a ikhut idelut a netilat yadayim mitzvah suhbulhit thei ahi(Tevilat Yadayim kiti ahi). twisamput a netilat yadayim ibol a ahileh nivei thumvei tia khutchu delut ji angai poi khatvei ibol leh mitzvah chu kisuhbulhit ahitai, Shulchan Aruch Orach Chayim 159:19.
Tevilat Yadayim bracha chu "al netilat yadayim" ma-ma ahi. Shulchan Aruch Orach Chayim 159:19.
twi chu long(flow) tajongle khutdelut nading kham ahialeh, hichiea chu khut khatvei idelut le mitzvah(tevilat/netilat yadayim mitzvah) kisubulhit thei ahi. Shulchan Aruch Orach Chayim 159:14
Mikve chu 40 seah (seah 1 chu ahtui 144 koina thei ahi akiti, Rabbi Avraham Karelitz dunjuia seah khat chu 14.3 litre ahi, 40 seah chu 575 litres ahi) ahia leh tevilat Yadayim bolthei ahi, hinla alouthei lou dinmun ahileh 40 seah sanga lhomjo a jong tevilat yadayim bolthei ahi. Shulchan Aruch Orach Chayim 159:14.
Mikve chu gotwi a ahia alon(flow) a ahialeh tevilat yadayim bol thei ahipoi. hitamabang chu gotwi chu kong a kikhol a mikve a kimang jongle hichie achu tevilat yadayim bol thei ahipoi.( Shulchan Aruch Orach Chayim 159:15, 16)
Lechem aneh ding chu kabeitza(ahtui) te ham ahiloule kabeitza sanga atamjo ahialeh khutsop(netilat yadayim) abol a netilat yadayim bracha asei ding ahi. Kabeitza sanga lhomjo anehding ahialeh bracha bei a khutsop (netilat yadayim) abol ding ahi. Shulchan Aruch 158:2
Kabeitza sanga alhom jo ahia kazait(Olive thei) te ahialeh bracha jaolou a khutsop ding ahi Shulchan Aruch 158:2. Kazait sanga alhomjo nehding ahileh khut jong asop angai poi. ibid 158:3
Bathroom lut joua lechem neh ding ahileh Askenazi dungjui a bathroom akon apot doh achu khon bei a khut asop ding, asher yatzar akisei ding hiche joutenglechun lechem nehnadinga khon a khut asop kit a netilat yadayim bracha chu aseiding ahi akiti(Shulchan Aruch 165:1 Rema)
sephardi te invang bathroom akon ahungpotdoh a akhut chu atheen pouleh lechem nehdikon a khutsop chu bracha puma abolpai jiuvin ahi, netilat yadayim bracha asei chai tengleu asher yatzar asei jiuvin hiche joutenglechun hamotzi chu asei jiuvin ahi. Shulchan Aruch Orach Chayim 165:1
Koitobang hamkhat chu lechem aneh laitah'a pampot a ahile apampot joutengle Netilat yadayim(khutsop) chu bracha bei a abol ding ahi. Shulchan Aruch 164:2 dungjui a bracha Jong sei ngai ahi hinla hiche chunga kinelna(machloket) atam jeh'a bracha akisei ji poi.
Piskei TeShuvot 165:5 in asei dungjui a Sephardi khenkhat in apampot nah'a angainah'a atahsa akikhu lai ho atoh khah a ahile Bracha puma khut asop jiuve ati, Halacha Berurah 164:6 in hiche(pampot joua Netilat yadayim(khutsop) bracha puma bol ding) chu kabeitza te ahiloule hiche sanga chu tamjo lechem ineh kit dingle bou ahi ati.
khut kisop hai a lechem chunga hamotzi ana sei a themkhat aneh man ahitahleh, agel doh-doh achu khut sop(netilat yadayim) abol a bracha(netilat yadayim) aseiding ahi, aseijou tengleh hamotzei asei ngai kit loutea aneh jom thei ahi. Igrot Moshe 2:53, Rivevot Efraim 1:129.
Shulchan Aruch Orach Chayim 158:11 a akisei bangin Mitzvah akibol masanga bracha akisei jin ahi(Masechet Pesachim 119b).Bet Yosef Orach Chayim 158 Shulchan Aruch dungjui a netilat yadayim khutsop masanga bracha seia netilat yadayim chu seiding ahi, khenkhat in khut chu anetle athieh masa jiuvin netilat yadayim bracha asei jiuvin hiche joutengle chun khut asop(netilat yadayim) jiuvin ahi ahiloule netilat yadayim asop masanga akhut asop thieng masa jiuvin ahi hichejou tenglechun bracha asei uvin netilat yadayim abol jiuvin ahi. Chondaan chu ahileh khut akisop joutengle bracha akisei jin ahi,. Mishna Berurah 158:41 leiset pumpi a minhag akichepi chu ahileh khutsop(netilat yadayim) joutengle bracha akisei jin khut akithiehgo jin ahi. Rama in khutsop masanga bracha sei hih jongle akisop joua khut akithiehgot masanga bracha asei thei nalai ahi ati, ajehchu khut thiehgot chu khutsopnah kin kibol chu nahoptha nalai ahi ati.(Beur Halacha Orach Chayim 158:11)
Leiset pumpi a chondaan akijui chu ahileh khutsop toh khutthiehgot kikah'a bracha(al netilat yadayim) chu akisei jin ahi. Shulchan Aruch 158:11, Mishna Berurah 158:41
Askenazi-khut thiehgot joua jong bracha chu seithei nalai ahi.Rama 158:11, Mishna Berurah 158:44.
Sephardi- khut kithiehgot joua bracha sei talou ding ahi. (Shulchan Aruch 158:11, Halichot Olam v.1 page 317.)
khutsop(netilat yadayim) bol jou toh lechem neh kikah'a pao ding phal ahi, hinlah apet a mitzvah kibol toh kisai ahi ngai ahi. mikhat chun thudang seikha tajongle khut chu avel sop kit angaipoi. Halacha Berurah 161:3