Anuia akisun ho ibol joutengle khutsop(Netilat yadayim) akibol ji hinla bracha(al netilat yadayim) akisei ji poi
1. Sun Emut(sleep)
2. Bathroom ilut jou
3. Ikengchot(kengkoh/shoes) Itoh khah leh
4. Ikeng Itoh khah
5. Angainah'a itahsa akikhu lai ho Itoh khah leh
6. Ilu ikhutleh
7. Lhanmun(cemetery) akon ihungpot tengle khutsop ngai ahi.
8. Mithina inn ilutleh
9. Khuttin itanjou tengleh
Yalkut Yosef 4:42, Kitzur Shulchan Aruch Shulchan Hamalach chp.3:9
Itahsa a angainadol a akikhu jing lai ho itohkhah ahileh jong khutsop(netilat yadayim) akibol jin ahi . Rashba 1:193
iban achunglam tefillin kiveina mun khu kitongkha jongle khutsop(netilat yadayim) angai poi. Ben Ish Chai Toldot no.17
kengkoh ikitoh khah le khut sop(netilat yadayim) ngai ahi. Bet Yosef 4:18, Shulchan Aruch Orach chayim 4:18.
Kengkoh chu khut'a tongkha loutea isutlhah ham ikisi ham ahileh khut sop angai poi. Eliyah Rabbah 4:13, Mekor Chayim 4:18, Mishna Berurah 4:41.
Kengmoja itoh khahle khut sop angai poi(Chovot Yair- Mekor Chayim 4:18){Eliyah Rabba 4:13 in Kengkoh khoi a khut sop angaina ajeh chu ahileh kengkoh chu nen/neldi hojeh'a nen ji ahi, hiche jeh'a chu khutsop ngai ahi ati. Yabia Omer 5:1:4 in lev Chaim 2:2 min in hitin asei e- kengkoh chu alamjotna(lampi) jeh'a anet ahialeh, kengmoja chu itoh khah le khut sop angai poi ati, hinla kengkoh chu iti ul jeh'a ham a anet a ahileh kengmoja chu itohkhahle khut sop ngai ahi ati. hinla ajehchu Ruach Raa jeh'a ahi natilevang khutsop ngai poi, hiche dinmun a daan akhoulou jui thei ahi ati. Rav Ben Tzion Abba Shaul in insunga moja kisi toh apam a moja kisi kikah'a sekhen abol in ahi. Rav Ovadia invang hiche chu achipi poi(Yabia Omer Orach Chayim 108:14}
koitobang hamkhat chun sun emut abol a ahileh akhut akisop masang se a neh leh chah atohkhah lou a pha ahi. hinlah anatongkha tajongleh nehding chu kiphal ahi.(Yabia Omer Orach chayim 4:1:6 in Tosefet Maaseh Rav n.25 chun hiche chungchanga daan akhoupa ajui in ahi ati(shulchan aruch 4:13) birkei yosef 4:6 injong hiche chu achipi. Tefillah leDavid invang sun tengle ruach raa aumpoi ati in ahi. hitamabanga chu Yabia omer in neh leh chah chu aga toh khah ahitahle nehding chu kiphal ahi ati. Ben Ish Chai Toldot n.15 injong hitichu achipi)
Bathroom akonna ihungpotdoh tengleh(kipampot hihjongleh) khutsop ngai ahi tin atamjo in apom in ahi(Mordechai Berachot 194, Shulchan Aruch Orach Chayim 4:18, MIshna Brurah 4:40, Halacha Brurah Otzrot Yosef 1:12 in Magen Avraham 227:2 in bathroom lut mei-mei a khutsop ding tei-tei ahipoi ati hinlah Zohar dungjui a vang khut asop ding chu tei-tei ahi ati.
Bathroom akonna ihungpotdoh a khutsop nah'a netilat yadayim khon man angai poi chuleh thum vei-vei sop jong angai poi ti in poskim atam jo in achipi in ahi.(Rav Ben Tzion Abba Shaul(Ohr Letzion 2:1:15) khon man chu pha ahi hinlah tei-tei ahipoi ati, hinlah thumvei sop ding chu tei-tei ahi ati. Hiche chungchanga Rav Ovadia Yosef(Yabia Omer 9 Orach Chayim 108 fn 4) in "Bathroom akon ihungpot a khutsop toh jingkah thojou'a khutsop tekah thei ahipoi" tia daan akhoulou jep jui thei nadinga, Rav Ben Tzion Abba Shaul in thumvei sop tei-tei ngai ahi atichu donbutna in api in ahi. Rav Mordechai Lebhar(Magen Avot Orach Chayim 4:18) injong hiche chungchanga Morocco a judate injong chondaan a bathroom akon ahungpot tengleu khon jong ngailoutea twilondohna tap/sink achun akhut uchu khatvei asop jiuvin ahi ati, Shulchan Aruch ivetjongleh khon chu jingkah khutsop a bou ngai ahi ati.
Koitobang hamkhat chun (bathroom hilouva)polanga jun athah a ahileh, ajunthah nah'a akhut asuhnet loupou(ajun amatloupou) ahialeh, asher yatzer seinadinga khut asop angai poi akiti. hinlah kisuhthienna ding jeh'a ham ahiloule taona man nadinga ham ahileh vang khutchu asop ngai ahi Shulchan Aruch Orach Chayim 7:2 .
Koitobang hamkhat chun bathroom a lut pai loutea akhut khatlang bouseh bathroom achu akoilut a alah doh pai kit a ahileh, hiche khut chu asop ngai ahi, khenkhat in akhutni a asop ngai ahi ati(Or letzion 2:1:13) khenkhat in hitichu bol angai poi ati (Yabia Omer 9 Orach Chayim 108:15)
Khutsop toh taona man kikah a phat sottah chieta, chuleh akhutchu taona mannadinga athienga kakoi ding ahi tia lunggel ana neilou ahitahleh taona man dikon tengleh (bracha beia) akhut asop kit ngai ahi, twi umlouna mun ahileh thil athiengchunga thieh thei ahi. Shulchan Aruch Orach Chayim 92:5, ילקו''י סי' צב הערה ה', במהדורת תשס''ד תפלה כרך א' עמו' של, Yalkut Yosef kitzur shulchan Aruch siman 92 halacha 5
khut chu khutchong apat sop ding ahi, khon manchah a sop ding ahi(Piskei TeShuvot 92:7, kitzur Shulchan Aruch 69:4, Ishei Yisrael 8:19)
Koitobang hamkhat chun Mincha masanga khut asop jouva, minkha joutengleh Arvit dinga jong tia khutchu akisuh thieng a akoileh Arvit dikontengle asop kit angai poi.(Mishna Berurah 233:16, Ishei Yisrael 27:23)