Netilat yadayim chungchanga Chatzitzah akiti tengleh ikhut isop a twi chun thilkhat(khutjem, bandage , rong etc) jeh'a ikhut jouse asop phah louva ahileh hiche thilchu chatzitzah a kisimna dinmun aumjin ahi, hiche chatzitzah a akisim khat chu ikhut a aum puma netilat yadayim ibol a ahileh netilat yadayim mitzvah suhbulhit louva ki-kisim ahi.
ikhut atamjo(khutchong apat khut jungse-se) akhuthei(cover) thil chu Chatzitza a kisim ahi. hiche thil chu akhutsop pa chun akhut asop dikon tengleh *ladoh nom henlang ladoh nom hih jongleh*Hichelai mun a 'ladoh nom henlang ladoh nom hihjongleh' ahung kitilo na ajieh chu ahileh adin mun dungjui a, twi toh khut asepkhen thei thil akiti pen chu aneova ahialeh, akhutsop ding pachun hiche thilchu changboung mehdikon a lahdoh dinga akhohsahlou/atheidalouva akhut a akoidan a ahileh hiche thil chu chatzitzah a kisim lou ahi hinlah changbuong meh dikon a akhohsah'a/atheida a alah doh le khutsop dikon a jong chu chatzitzah a akisim a alah doh ngai ahi.* chatzitzah a kisim ahi(Gemara Chullin 106b dungjui a mikve a ikide pet a chatzitzah a kisim hochu netilat yadayim dinga jong chatzitzah a kisim ahi ati) Yalkut Yosef siman 161
Mikhat chu akhut a thil(khutjem, bandage etc) uma hiche thilchun akhut themkhat hambou alo/akhu a ahileh, (hiche mipa chun achunga iseima bang uva changbuong amehdikon a akhohsahlouva hiche thilchu alahdoh louva ahileh) ama dinga chatzitzah in akisim poi, Hinlah ama chunga bou kingam tina ahipoi. Mi atamjo in hiche thilchu akhut chunga aumleh khoh asah/atheida ding ahialeh *atamjo dungjuia chu kichie pi a, chatzitza* a kisim ding ahi, *tekahnah'a mikhat chun akhut a thil umchu khohsa/theida hihjongleh atamjo in khoh asah/atheida jieh a chatzitza a kisim ding ahi.* hinlah alhangpia mijouse in khohsa/theida hihjongleh netilat abol pa in akhut a umchu khoh asah/atheida a ahileh netilat yadayim abol masanga alah doh ngai ahi. Yalkut Yosef siman 161, Shulchan Aruch 161:1, Halacha Brurah 161:1
Khut tin chu athien pouleh netilat yadayim dinga chatzitzah in akisim poi. Numei ho mikveh a akide tengleu vang, khut/keng tin chu ana nen(dirty) khaleh chatzitzah a akisim ding ahi jeh'a, chondan a mikveh a akide masang uva atin uchu chom hinam tia hoitah'a vetlhahnah aneijiuvin ahi. Hinlah netilat yadayim chungchanga vang hitichu khoutah'a jui angai poi, khuttin achu anen aumloupouleh akhohna aumpoi.Yalkut Yosef siman 161
Khuttin chu ikhutjung muh(fingertips) sanga gasao jo/akhel a, chuleh khuttin achu anen aum a ahileh chatzitzah in akisim in ahi. Ajehchu ahileh alhangpia mijousen khuttin a anen umding chu kideilou ahi. hichejeh'a netilat yadayim abol masanga akhuttin chu anet le akisuhthieng ngai ahi. Anen chun ikhut jung muh chu aga khellouva ahilehvang chatzitzah in akisim poi. Hinlah hitobanga anen umchu koitobang hamkhat in atheida a ahilehvang amadinga chu chatzitzah ahi, hichejeh'a netilat yadayim abol masanga akisuhthieng angai in ahi.Changbuong nameh a nakhut tin a abeh dan a ahileh hichechu chatzitzah a kisim ahi.ibid
Mikhat chun akhut akisuhkhah a akhut chu ana ham ahiluoleh apom a ahia, anen lahdohnah'a akhut chu anat dinga ahileh, khuttin anuilanga kotna navet a anen namu hobouchu Chatzitzah a kisim ding ahi. khuttin leh khutjung kikah'a anen umho chu khatzitzah a kisim talou ding ahi ajehchu tua adinmun dungjuia chu koima in anen chu aumden jongleh khoh asah lou ding ahi.ibid
Khuttin chu avai langa aboh khah a lang khat chu khuttin dangho toh akijopna um tahihleh, hiche chu Chatzitzah in akisim poi. Hinlah hiche tin chu ahithei channa che neo a pha ahi.ibid
Numei khatchun khuttin akisuhsaova nail polish akinu a ahileh akhuttin chu chatzitzah in akisim poi. Ajehchu nail polish chu ikhutlah'a itinlaikah'a bou kinu ahi chuleh nail polish kinu ho atamjo in nail polish chu atheida ji pouvin ahi. Hilah hiche hi hoitah'a manicure kibol a akinu ho chungchanga kisei ahi, nail polish chu akoh lai aum'a ahilehvang anail polish akinu chu chatzitzah a kisim kit ahi, hitobang dinmun achu nail polish hojouse chu asuhmang ham ahilouleh nail polish akohlai hochu hoitah'a anu phat kit ngai ahi.ibid
Numei khatchun akhut a ham ahilouleh akhutjung hamkhat a make up akibol a ahileh hiche chu akhut toh thakhat a akisim in chatzitzah in akisim poi.ibid
Numei chun akhut a henna(rong) akinu a ahileh hiche chu chatzitzah in akisim poi.ibid
Netilat yadayim bol masanga khutjem ho lah doh ngai ahi. tua khutjem akisei chu ahileh, changbuong akimeh pet a nen inte natia nalahdoh ding ahialeh chatzitzah a kisim a netillat yadayim pet tengjongleh nalahdoh ngai ding ahi, hinlah khohsaloutea changbuong mehpet ajong nalahdohlou ding ahileh chatzitzah a kisim louva netilat yadayim pet tengjongleh nalahdoh ngai lou ahi. Phattamjo a khutjem chu nenkhante tia athilbol masang uva akilah doh naji houbung a na um a ahileh vang nangin khutjem chu nakibu nakibulou khohsa hih jonglechun netilat yadayim masanga khutjem chu nalahdoh ngai ding ahi.ibid
Mihem khatchun hiche tobanga(khutjem netna ding) natoh ho abol khah louva ahileh, khutjem chu ladohlou tea netilat yadayim chu abol thei ahi. Achunga akisei ho hi numei hihenlang pasal hijongleh halacha kibang ahi.ibid
Numei khat chun khutjem akhut a achah thet khat akibu a (achunga kisei banga chatzitzah a akisim khat ahialeh) netilat yadayim masanga akilah doh haimil a ahileh akhut sop chu mitzvah bol in akisimpoi, hichejeh'a akhut chu athiehgut a akhutjem chu alahdoh a avel sop ngai kit ding ahi(hinlah bracha vel sei angai poi).ibid
achunga kisei banga khutjem chu lhaging tajongleh, chatzitzah a kisim a netilat yadayim masanga lahdoh ding hitahenlang hinlah ladohloutea akhut chu twi revi'it te a ana sop taleh amachun netilat yadayim mitzvah chu akisuhbulhit nai. ibid