Niseh a bracha jakhat

Niseh a bracha 100 seiding kiti hin ajeh ni anei in ahi

1.Deuteronomy 10:12 a Moshe Rabbeinu in Am Israel te koma "HaShem in nangho akon  ipi(ivrit a-mah) athum ham?"  Talmud(Menachot 43b) in hitin ahilchen e, thucheng "mah" kiti hi me'ah tin jong akisim thei in ahi, me'ah chu 100 tina ahi. hiche akonna chu HaShem in niseh a bracha 100 seiding(Orach Chayim 46:3) thupeh ipih uahi ti kihe doh ahi.

2.Leng David khang achun, juda mi ana kisim tho jeh chun niseh a mi 100 anathi jin ahi, Leng David in hiche mi thilo na ajeh chu lhagao lampanga toh kisai ahi ahetphat in, Leng David chule Sages(imiching teuvin) mida keneged mida(Thutan in vai ahom e) tin adonbut uvin Niseh a bracha 100 seidin thu ahintan tauvin ahi, hiche akijui apat chun mi athi chu atang in ahi.(MIDRASH RABBA-NUMBERS18:17; TUR 46)

Tzaddik( צדק) tichu michonpha(HaShem Torah le mitzvot jui) tina ahi, hiche  thucheng a koof ק khun bracha 100 akisei avetsah ahi, michonpha khat chun niseh a bracha 100 asei jing in ahi.

Bracha jakhat simding kiti hi nilhah akon kipan ji ahi(ajeh chu Judaism a nikho hi nilhah a kipan ji ahi, tekahnan jing khu tarik 28 ahile tuni 27 nilhah akonna ajing nikho 28 chu kisim pan ji ahi).

Nitin kimanchah nah'a arvit akonna isimpat a, al netilat yadayim, asher yatzer, birkat hashakhar, Shakharit chule minkha chan khu bracha 90 alhing in ahi. 90 akon 100 lhin sah nadinga nehle chah bracha ho ipampot a bracha ho, thilnam tui inah a bracha ho sei a bracha 100 lhin sah ding ahi.

Shabbat nile vang Arvit, Birkat HaShakhar, Shakharit, Minkha tiho isim tha jongle bracha 80 bou ahi jin ahi, hiche jeh'a shabbat a nehle chah ha bol a chule Torah simpetle Torah simhon bracha asei tengleu hoitah'a ingai a Amen iseile bracha 100 chu lhinsah thei ahi

hiche article hi https://aish.com/43-100-blessings-each-day/ akonna ki translate ahi.